Politike

'Është një e keqe e madhe', Këlliçi: Largimi i Veliajt është mënyra më e mirë për tu bashkuar

Këlliçi tha se në 14 maj do të largohet një model që nuk i shërben qytetarëve, që quhet Erion Veliaj.  

9 Janar 2023, 22:23 Nga I.A
'Është një e keqe e madhe', Këlliçi:
Belind Këlliçi

TIRANË- Kandidati për kryetar bashkie në Tiranë, Belind Këlliçi ka bërë thirrje për demokratët por edhe për qytetarët që të largojnë Erion Veliajn. I ftuar në emisionin 'Çim Peka Live' në Syri Tv, Këlliçi ka theksuar se largimi i Veliajt është mënyra më e mirë për tu bashkuar. 

"Politikisht ndahem me një pjesë në PD, por njerëzisht sa kohë bien dakord që Veliaj është një e keqe e madhe, kjo është mënyra më e mirë për t'u bashkuar me njëri-tjetrin", tha Këlliçit. 

Këlliçi tha se në 14 maj do të largohet një model që nuk i shërben qytetarëve, që quhet Erion Veliaj.  

"Ky njeri që paska aq shumë para se të blejë votat...edhe një votë prish punë. Unë po të dal edhe përtej PD-së, jo vetëm brenda PD. Unë gjykoj që është detyrë e imja që të bashkoj sa më shumë. Një nga arsyet më madhore që demokratët dhe jo vetëm, por një bashkim i atyre që vijnë nga Shoqëria Civile, i të lëkundurve, të pavendosurve madje edhe i socialistëve, do të vijë si një bashkim për shkak se duhet larguar një model nga Tirana që nuk i shërben qytetarëve të Tiranës që quhet Erion Veliaj. S'më ke parë në asnjë moment që të godas nën brez, apo të linçoj askënd, miqtë, apo ishj-kolegët brenda PD. Politikisht ndahem me një pjesë në PD, por njerëzisht sa kohë bien dakord që Veliaj është një e keqe e madhe, kjo është mënyra më e mirë për t'u bashkuar me njëri-tjetrin", tha Këlliçi. 

belind këlliçi

Sondazh

Poll

MË SHUMË