Sport

La Liga/ Barcelona fiton ndaj Atlético Madridit dhe konsolidon pozicionin si lider...

Larg nga të qenit brilant, Barça megjithatë fitoi këtë të dielë në mbrëmje në fushën e Atlético Madrid (1-0) falë një goli të Ousmane Dembélé. Klubi katalanas konsolidon vendin e tij si lider i kampionatit spanjoll.

9 Janar 2023, 02:51 Nga DOSJA
La Liga/ Barcelona fiton ndaj Atlético Madridit dhe konsolidon pozicionin

SPANJE - FC Barcelona fitoi me një goditje me kokë këtë të dielë në mbrëmje në fushën e Atlético Madridit (1-0) për javën e 16-të të La Ligës. Pa shkëlqyer, lojtarët e Xavit e kuptuan se thelbësorja ishte fitorja në këtë duel për kreun. Pas presionit që në fillim të ndeshjes, katalanasit u shpërblyen me golin e epërsisë në minutën e 22-të nga Ousmane Dembélé, i shërbyer në mënyrë perfekte nga Gavi. 

Ky gol pati meritën e zgjimit të Atléticos, i cili ishte më sulmues dhe dominoi në fund të periudhës së parë, por pa arritur të barazojë. Pas kthimit nga dhomat e zhveshjes, bardhekuqtë rifituan sërish kontrollin e ndeshjes, por iu mungonte mprehtësia para portës kundërshtare. 

Dy skuadrat e përfunduan ndeshjen me nga dhjetë lojtarë, kur Ferran Torres dhe Stefan Savic morën nga një karton të kuq pas një përleshjeje në një ‘tapet mundjeje’ (90’+1). Antoine Griezmann shpresonte të barazonte, por gjuajtja e tij u pengua nga Araujo në vijë (90’+4).

Ky sukses i shkon përshtat Barçës, e cila merr epërsinë në La Liga e vetme, pas gabimit të Real Madridit të shtunën në Villarreal (1-2), ndërsa Atlético tani është pesë pikë larg podiumit.

B.T (Dosja.al)

Sondazh

Poll

MË SHUMË