Aktualitet

Arrestohen shqiptarët në Belgjikë, babë e bir akuzohen për vrasjen e të riut nga Amsterdami, familja s’i bën dot funeralin

Veldwijk u paraqit në spital, i shoqëruar nga dy të mitur. Ai ndërroi jetë në duart e bluzave të bardha, ndërsa dy 17-vjeçarët u ndaluan nga policia për tu marrë në pyetje, gjë që solli dhe dërgimin e babë e bir nga Shqipëria përpara drejtësisë.

28 Dhjetor 2022, 20:34 Nga F.M
Arrestohen shqiptarët në Belgjikë, babë e bir akuzohen
Viktima, Migelvio Veldwijk

BELGJIKË- Andi. A, 46 vjeç dhe djali i tij, Antonio A, 20 vjeç, të dy shqiptarë janë ulur në bankën e të akuzuarve në Belgjikë pasi akuzohen për vrasje, Mediat vendase shkruajnë se ngjarje e rëndë ka ndodhur në muajin tetor, por vetëm së fundmi është bërë arrestimi i shqiptarëve.  Dyshohet se vrasja ka ndodhur për shkak të një marrëveshjeje të lidhur me pazaret e drogës. Migelvio Veldwijk kishte rënë dakord të takohej me 4 persona të tjerë, por përballja përfundoi me përdorimin e armëve të zjarrit.

Për pasojë, Veldwijk u paraqit në spital, i shoqëruar nga dy të mitur. Ai ndërroi jetë në duart e bluzave të bardha, ndërsa dy 17-vjeçarët u ndaluan nga policia për tu marrë në pyetje, gjë që solli dhe dërgimin e babë e bir nga Shqipëria përpara drejtësisë.

Migelvio Veldwijk u rrit në Amsterdam. Ai kishte një tatuazh në krahun e tij të djathtë me kodin postar 1102 HB, i cili i përket lagjes H në Amsterdam Juglindore. Ai ndoqi Orion College South, një shkollë për fëmijë me vështirësi në të mësuar dhe në sjellje. Në vitin 2014 ai mori diplomën e tregtisë me pakicë MBO1.

Veldëijk kishte disa kohë që qëndronte në Dessel të Belgjikës. Edhe familja e tij u zhvendos në Belgjikë disa vite më parë. Në sistemet e policisë belge ai ishte i regjistruar për kundërvajtje relativisht të lehta. Për shembull, në fillim të pandemisë së koronës, ai u përlesh me një oficer sigurie në stacionin e trenit në Leuven, pasi kishte theksuar se nuk mbante maskë. Kjo u përshkallëzua kur Veldwijk filloi të filmonte punonjësin me telefonin e tij.

Për të paguar shpenzimet e funeralit të tij, anëtarët e familjes së Veldwijk tani kanë nisur një fushatë për mbledhjen e fondeve në internet.

vrasja e migelvio veldwijk shqiptaret ne belgjike

Sondazh

Poll

MË SHUMË