Bota

Frika nga alarmi për BOMBË, mbyllet përkohësisht Aeroporti i Prishtinës “Adem Jashari”

Policia ka thënë se këcënimin e kanë marrë në orët e para të mëngjesit, duke mos dhënë më shumë informacione.

28 Dhjetor 2022, 10:14 Nga A.B
Frika nga alarmi për BOMBË, mbyllet përkohësisht Aeroporti i
Aeroporti

KOSOVË- Mbyllet përkohësisht Aeroporti Ndërkombëtar i Prishtinës, 'Adem Jashari'. Kështu bën të ditur Policia e Kosovës pas kërcënimit me bombë i cili u raportua pak minuta më parë. 

Policia ka thënë se këcënimin e kanë marrë në orët e para të mëngjesit, duke mos dhënë më shumë informacione.

“Policia e Kosovës, sot në orët e paradites ka pranuar një informacion me përmbajtje kërcënuese, për mjete shpërthyese në aeroportin ndërkombëtar “Adem Jashari” në Prishtinë. Bazuar në këtë informacion, Policia e Kosovës në bashkëpunim dhe koordinim me institucionet relevante, ka ndërmarrë veprimet e menjëhershme policore, ku për shkaqe sigurie ka mbyllur përkohësisht aeroportin”, thuhet në njoftim.

Zëdhënësja e ANP’së, Valentina Gara tha se udhëtarët dhe personeli janë evakuuar.

“Konfirmojmë se kemi pranuar një kërcenim me bombë. Udhëtarët dhe personeli janë evakuar dhe janë të sigurt. Ekipet e involvuara në planin emergjent janë duke kryer detyrat e tyre”, ka deklaruar ajo.

Njoftimi i plotë i Policisë:

Policia e Kosovës, sot në orët e paradites ka pranuar një informacion me përmbajtje kërcënuese, për mjete shpërthyese në aeroportin ndërkombëtar “Adem Jashari” në Prishtinë. Bazuar në këtë informacion, Policia e Kosovës në bashkëpunim dhe koordinim me institucionet relevante, ka ndërmarrë veprimet e menjëhershme policore, ku për shkaqe sigurie ka mbyllur përkohësisht aeroportin. Me qëllim të hetimit, kontrollit dhe masave të sigurisë, janë angazhuar njësitet relevante, andaj kërkojmë mirëkuptimin e të gjithë qytetarëve. Policia e Kosovës do të vazhdoj të ju mbaj të informuar lidhur me zhvillimet e mëtejme deri në hapjen e aeroportit për qarkullim.

bombë në aeroportin e prishtinës

Sondazh

Poll

MË SHUMË