Art&Argëtim

Dy çmime kryesore dhe artistë të rinj/ Risitë e 'Festivalit të 61-të të Këngës', çfarë u pa ndryshe këtë vit 

Këtë vit Festivali i 61-të të Këngës ndau 3 çmime të para: vendi i parë, vendi i dytë dhe vendi i tretë; 1 çmim për artistët e rinj dhe grupet alternative dhe 1 çmim për karrierë.

23 Dhjetor 2022, 10:51 Nga a.l
Dy çmime kryesore dhe artistë të rinj/ Risitë e
Festivali i Këngës

TIRANË- Festivali i 61- të i këngës në Radio Televizionin Shqiptar këtë vit erdhi me risi dhe plot surpriza për publikun Shqiptar dhe jo vetëm. Organizatorët e festivalit të njohur ndërkombëtarisht kanë thyer traditën duke sjellë disa ndryshme. Që nga prezantuesi, te pjesëmarrja e artistëve të rinj, ndarja e çmimeve dhe e atyre kryesoreve, ishin këto disa nga ndryshimet që pamë në organizmin e festivalit për këtë vit.  

Kemi parë që ndër vite prezantuesi i Festivalit gjigand shqiptar ka qenë kantautori dhe këngëtari i njohur Ardit Gjerbrea. Por këtë vit mikrofonin e prezantuesit të këtij evenimeti të rëndësishëm e mori moderatorja e njohur Arbana Osmani, lajm i cili ka qarkulluar shumë shpejt në media dhe më pas është konfrimuar nga vetë ajo. 

Kjo ishte vetëm surpriza e parë. Risia e radhës vjen me artistët e rinj. Në maratonën e përvitshme të festivalit, pjesëmarrës kanë qenë vetëm këngëtarët e artistët e afirmuar të muzikës shqiptare, por këtë vit skenën gjigande e prekën edhe artistët e rinj dhe grupet alternative, të cilët përjetuan emocione të veçanta mes duarttrokitjes dhe mbështjes nga publiku.

10 artistët e rinj performuan në natën e parë dhe të dytë të festivalit. Në natën e dytë me votën e jurisë të cilët gjykuan performancën vokale dhe atë skenike, u shpallën vetëm 5 finalistë. 

Më poshtë lista e plotë me artistët finalistë dhe këngët pjesëmarrëse:

1.Alban Kondi & Lorela Karoshi – Melodi

2.Albina Kelmendi – Duje

3.Elsa Lila – Evita

4.Enxhi Nasufi – Burrë

5.Erma Mici – Kozmosi i dashurisë

6.Evi Reçi – Ma kthe

7.Fabian Basha – Një gotë

8.Fifi – Stop

9.Franc Koruni – Në pritje

10.2Farm – Atomike

11.Genti Hoxha – Ajër

12.Gjergj Kaçinari – Dje

13.LYNX – Nëse ke besim

14.Manjola Nallbani – Duaj

15.Melodajna Mancaku – Gjysma e zemrës sime

16.Petrit Çarkaxhiu – Emri yt mirësi

17.Rezarta Smaja – N’Eden

18.Rovena Dilo – Motit

19.Serxhio Hajdini – Vështirë

20.Urban Band – Në çdo hap

21.Vanesa Sono – Aroma jonë

Këtë vit Festivali i 61-të të Këngës ndau 3 çmime të para: vendi i parë, vendi i dytë dhe vendi i tretë; 1 çmim për artistët e rinj dhe grupet alternative dhe 1 çmim për karrierë.

Ndryshe nga vitet e kaluar, lidhur me këngën që do të përfaqësonte Shqipërinë në Eurovizion, fituesi u zgjodh me votat e publikut me anë të SMS-ve. 

Çmimi për 3 vendet e para, çmimi për artistët e rinj dhe grupet alternative si dhe çmimi për karrierën u dhanë pas një vlerësimi nga juria.

Në festivalet e mëparshme të Këngës në RTSH fituesi i çmimit të parë ka përfaqësuar Shqipërinë në Eurovizion, por këtë vit, vendin tonë në “Eurovision Song Contest 2023” që do të zhvillohet në Britaninë e Madhe, i përfaqësua nga kënga e cila u rezultua më e votuara nga publiku./Dosja.al

festivali i këngës në rtsh

Sondazh

Poll

MË SHUMË