Sport

Mou-Portugalia, takimi pas Krishtlindjeve...

Federata Portugeze nuk dorëzohet dhe lufton për të bindur trajnerin e Romës, me të cilin do të ulet të bisedojë më 26 dhjetor.

22 Dhjetor 2022, 14:24 Nga DOSJA
Mou-Portugalia, takimi pas Krishtlindjeve...

PORTUGALI - Fernando Santos tani është një histori. Drejtuesi teknik i Portugalisë është larguar dhe Federata është në kërkim të një zëvendësuesi. Që në momentin e parë, figura e Mourinhos u mendua si idealja, për t'i dhënë një kthesë totale një kombëtareje me lojtarë të nivelit të lartë të përhapur në të gjithë Europën.

Presidenti i Federatës Portugeze të Futbollit, Fernando Gomes, e ka të qartë këtë, por largimi i Mou nga Roma është më se i komplikuar. Ai ka një kontratë në fuqi deri në vitin 2024 dhe është duke punuar për një projekt të përshtatur për trajnerin portugez.

Megjithatë, në Portugali vendimi i tyre është i qartë dhe sipas ‘A Bola’, presidenti dhe trajneri i verdhekuqve kanë një takim më 26 dhjetor, për të hedhur letrat në tavolinë.  Madje është konsideruar opsioni, që Mourinho të mund të kombinojë punën si trajner i Romës me atë të trajnerit të vendit të tij, të paktën deri në fund të sezonit.

E ardhmja e Cristiano Ronaldos

Trajneri i ri i kombëtares do të duhet të nisë nga një vendim kyç sapo të startojë. E ardhmja e Cristianos. Lojtari më i mirë në historinë portugeze pushoi së qeni titullar në ndeshjet e fundit të Kupës së Botës me Fernando Santos. Performanca e tij është në rënie dhe gjëja normale është se ai përfundon duke luajtur në Arabinë Saudite. Problem për trajnerin e ri portugez do të jetë vendosja nëse Cristiano do të vazhdojë të jetë në ekipi dhe do ta drejtojë atë, apo do të ketë një ndryshim rrënjësor të epokës.

B.T (Dosja.al)

Sondazh

Poll

MË SHUMË