Sport

“Shakaja” që tifozët i bënë Messit gjatë parakalimit, duke nënkuptuar Mbappenë…

Messi dhe shokët e tij të skuadrës zbritën në Argjentinë mëngjesin e të martës, për të parakaluar trofeun e Kupës së Botës për herë të parë, me disa që zgjodhën të hidhnin dhurata drejt autobusit të hapur. Më poshtë mund të shikoni reagimin e Messit për marrjen e një ‘dhurate’ mjaft interesant.

20 Dhjetor 2022, 17:33 Nga DOSJA

“Shakaja” që tifozët i bënë Messit gjatë

ARGJENTINË - Messi pati një reagim qesharak kur iu dorëzua ajo që dukej të ishte një breshka adoleshente e filmit vizatimor "Breshkat Ninja", gjatë paradës së mirëseardhjes së Argjentinës në shtëpi, me tifozët që supozonin se ishte një referencë për Kylian Mbappe. ‘Albicelestet’ fituan Kupën e Botës për herë të tretë në historinë e tyre të dielën në mbrëmje pas një fitoreje 4-2 me penallti ndaj Francës, ndërkohë që 120 minutat e ndeshjes u mbyllën 3-3.

Messi dhe Angel Di Maria e çuan Argjentinën në avantazh 2-0 në pjesën e pare, përpara se Mbappe i vetëm ta çonte kombin e tij në kohën shtesë me dy gola në 10 minutat e fundit. Argjentina mendoi se do ta fitonte në ndeshjen me golin e dytë të Messit, por Mbappe e përfundoi trigolëshin e tij nga pika e bardhë në minutën e 118-të. Humbja e penalltive të Kingsley Coman dhe Aurelien Tchouameni mjaftuan që Argjentina të fitonte Kupën e Botës së parë që nga viti 1986.

Messi dhe shokët e tij të skuadrës zbritën në Argjentinë mëngjesin e të hënës për të parakaluar trofeun e Kupës së Botës për herë të parë, me disa që zgjodhën të hidhnin dhurata drejt autobusit të hapur. Më poshtë mund të shikoni reagimin e Messit për marrjen e një ‘dhurate’ mjaft interesante.


Messi e kapi pelushin teksa po i vinte drejt kokës. Ai vuri re se kishte një rrip koke portokalli dhe e ktheu shpejt. Shtatë herë fituesi i “Topit të Artë” bëri një të qeshur teksa ishte ulur pranë shokut të skuadrës dhe mikut të ngushtë Rodrigo De Paul. Më pas ai vendosi ta fuste lodrën e butë përsëri në turmë.

Për çfarë bëhet fjalë atëherë? Epo, fansat në internet besojnë se ishte Michelangelo nga filmi vizatimorë "Breshkat Ninja".

Video është bërë virale dhe ka patur komente të shumta. Një person tha: "Ai e dinte lol." Një tjetër komentoi: "Drejtori sportiv Mbappe në shtëpi mban shënime dhe bën thirrje në klube të tjera ndërsa flasim..." Një i tretë shkroi në Twitter: "Momenti i saktë kur kuptoi se çfarë ishte është i mrekullueshëm". Ndërsa dikush tha: "Festimet në shtëpi duhet t'i doni vërtet."

Messi ka postuar një deklaratë emocionuese në Instagram, pasi u bë kampion bote për herë të parë. Ai ka shkruar: "Kampionë bote! E kam ëndërruar aq shumë, e kam dashur aq shumë sa nuk kam rënë ende, nuk mund ta besoj...... Faleminderit shumë familjes sime, të gjithëve që  më mbështesni mua dhe gjithashtu për të gjithë ata që besuan në ne.

Ne demonstrojmë edhe një herë se argjentinasit, kur luftojmë së bashku dhe të bashkuar, jemi të aftë të arrijmë atë që kemi synuar të bëjmë. Merita i takon këtij grupi, që është mbi individualitetet, është forca e të gjithëve që luftojnë për të njëjtën ëndërr që ishte edhe ëndrra e të gjithë argjentinasve... E bëmë!!!”

Ky është bërë edhe postimi më i pëlqyer në Instagram i të gjitha kohërave, me 58.9 milionë pëlqime që në kohën e shkrimit.

B.T (Dosja.al)

Sondazh

Poll

MË SHUMË