Bota

'Nuk do të përfundojë shumë shpejt'/ Papa Françesku: Lufta në Ukrainë është globale

Papa ka ofruar disa herë ndërmjetësimin e Vatikanit për të zgjidhur konfliktin, por kritikat e tij të shtuara ndaj Rusisë e kanë bërë këtë të pamundur.

19 Dhjetor 2022, 13:20 Nga a.l
'Nuk do të përfundojë shumë shpejt'/ Papa
Papa Françesku

UKRAINË- Papa Françesku ka folur sërish për luftën në Ukrainë teksa u shpreh se nuk parashikohet të përfundojë shpejt pasi kjo luftë është globale. Jo për herë të parë, Papa duket se lë të nënkuptojë se barra e fajit për luftën nuk i përket tërësisht Rusisë.

Në një intervistë për gazetën spanjolle ABC Sociedad, ai tha: Unë nuk shoh një fund në një afat të afërt, sepse kjo është një luftë globale. Le të mos e harrojmë këtë. Ka shumë duar që nxisin tenxheren e luftës. Ajo është globale. Unë mendoj se lufta bëhet kur një perandori fillon të dobësohet. Dhe kur ka armë për t'u përdorur, testuar dhe shitur. Ka shumë në rrezik.

Për kontekstin, Papa ka marrë më parë kritika nga Ukraina për dukjen se nënkuptonte se NATO kishte provokuar Rusinë për të pushtuar, shkruan SkyNews. 

Papa ka ofruar disa herë ndërmjetësimin e Vatikanit për të zgjidhur konfliktin, por kritikat e tij të shtuara ndaj Rusisë e kanë bërë këtë të pamundur. Në tetor, Papa për herë të parë iu lut drejtpërdrejt presidentit rus Vladimir Putin që të ndalojë "spiralën e dhunës dhe vdekjes" në Ukrainë./ Dosja.al

lufta ne ukraine papa françesku

Sondazh

Poll