Bota

Çfarë po ndodh me oligarkët rusë, një tjetër manjat pasurie humb jetën në një darkë në Francë

Oligarku, ishte jashtë për darkë me disa miq kur filloi të mos ndihej mirë dhe u rrëzua nga një shkallë, duke pësuar lëndime të rënda në kokë.

19 Dhjetor 2022, 11:52 Nga I.A
Çfarë po ndodh me oligarkët rusë, një tjetër
Dmitry Zelenov

FRANCË- Një tjetër oligark ka pasur një fund misterioz, ndërsa numri i të vdekurve mes elitës ruse vazhdon të rritet në mes të luftës së Vladimir Putinit në Ukrainë. Dmitry Zelenov, një manjat i pasurive të patundshme, vdiq më 9 dhjetor në qytetin Antibes të Rivierës Franceze. Oligarku, ishte jashtë për darkë me disa miq kur filloi të mos ndihej mirë dhe u rrëzua nga një shkallë, duke pësuar lëndime të rënda në kokë.

Ai u dërgua me urgjencë në spital, por mjekët nuk mundën ta shpëtonin dhe vdekja e tij u konfirmua nga prokurori publik në komunën e afërt të Grasse të nesërmen. Sipas kanalit Telegram të Baza, Zelenov iu nënshtrua një operacioni në lidhje me probleme të pazbuluara të zemrës në javët para vdekjes së tij, megjithëse nuk u dha asnjë informacion i mëtejshëm.

Zelenov ishte një bashkëthemelues i Don-Stroy, dikur një nga perandoritë më të rëndësishme të investimeve dhe zhvillimit të pasurive të paluajtshme të Moskës. Pasi ngriti Don-Stroy në 1994 menjëherë pas rënies së Bashkimit Sovjetik, Zelenov grumbulloi me shpejtësi një pasuri dhe u shfaq rregullisht në listën e Forbes të rusëve më të pasur deri në vitin 2008, kur kriza financiare bëri që Don-Story të pësonte humbje të konsiderueshme financiare.

Rrethanat rreth vdekjes së manjatit të pasurive të paluajtshme janë jashtëzakonisht të ngjashme me ato të Anatoly Gerashchenko, ish-kreu i Institutit të Aviacionit të Moskës (MAI), i cili thuhet se ka rënë nga një shkallë në selinë e institutit në kryeqytetin rus në shtator.

dmitry zelenov vladimir putin

Sondazh

Poll

MË SHUMË