Aktualitet

EMRI/ Në gjendje të dehur, i riu i vë flakën komisariatit të Elbasanit, pëson djegie në trup

Ende nuk dihen detaje të tjera nga ngjarja, në lidhje me gjendjen shëndetësore të punonjësve apo identitetin e personit që i ka vënë zjarrin.

17 Dhjetor 2022, 19:19 Nga F.M
EMRI/ Në gjendje të dehur, i riu i vë flakën komisariatit
Komisariati i Elbasanit

ELBASAN- Një pjesë e komisariatit të Elbasanit është përfshirë nga zjarri këtë pasdite. Autor mësohet të jetë një i ri, i cili ka aktivizuar zjarrin në dritaren e zyrës së ankesave për qytetarët. Brenda kanë qenë dy punonjës. Paraprakisht bëhet me dije se bëhet fjalë për një 33-vjeçar të identifikuar si Aurel Latifi, i cili ka qenë i dehur dhe kishte probleme me shëndetitn mendor. 

I riu sapo ishte kthyer nga Franca dhe nuk ka pasur probleme me policinë. 33-vjeçari nga fshati Mollas, ka spërkatur fillimisht me benzinë vendin dhe i ka vënë zjarrin. Ai është ndaluar nga policia dhe është marrë në pyetje, teksa më pas është shoqëruar për ndihmë mjekësore pasi ka marrë disa plagë e ka pësuar djegie në trup.

Njoftimi: Rreth orës 18.30, shtetasi A. L., 33 vjeç, banues në Elbasan, ka hedhur një shishe me lëndë djegëse te zyra e informacionit në Komisariatin e Policisë Elbasan, të cilën e ka ndezur dhe është larguar me vrap. Efektivët e Policisë menjëherë kanë fikur zjarrin dhe kanë kapur autorin e dyshuar i cili, nga veprimet paraprake dyshohet se  vuan nga probleme të shëndetit mendor.

komisariati i elbasanit aurel latifi

Sondazh

Poll

MË SHUMË