Politike

Largimi i bluzave të bardha/ Rama: Fenomen i gjithë jugut të Evropës, ne punësuam 5 mijë infermierë e 1320 mjekë

Ai tha se pavarësisht kësaj lëvizjeje, Shqipëria ka punësuar 5 mijë infermierë, 900 vetëm këtë vit si dhe 1320 mjekë, 335 vetëm gjatë këtij viti.

17 Dhjetor 2022, 18:40 Nga F.M
Largimi i bluzave të bardha/ Rama: Fenomen i gjithë jugut të
Edi Rama

TIRANË- Largimin e mjekëve nga Shqipëria, kryeministri Edi Rama e konsideron një fenomen që ka prekur të gjithë jugun e Evropës. I pranishëm në një takim fundviti me bluzat e bardha, Kreu i qeverisë tha se është një prirje që ndodh, emigrimi dhe punsimi në vende të tjera. Ai tha se pavarësisht kësaj lëvizjeje, Shqipëria ka punësuar 5 mijë infermierë, 900 vetëm këtë vit si dhe 1320 mjekë, 335 vetëm gjatë këtij viti.

Pjesë nga fjala e Ramës: 

Më vjen mirë që sot sjell këtu faktin që pavarësisht vështirësive të kësaj kohe, një prirjeje që është edhe mes bluzave tona të bardha, siç është në shumë vende të jugut të Evropës, për tu larguar, kemi punësuar 5 mijë infermierë në sistemin tonë shëndesorë. 99% janë infermiere, burrat janë hudhra që garantojnë që gratë të mos merren mësysh nga shumë sy të këqinj që i sulmojnë në të përditshmen e tyre. Janë mbi 900 vetëm këtë vit të punësuar me sistem. Janë 1320 mjekë, 335 vetëm gjatë këtij viti, që ka qenë një vit i rëndësishëm për të hapur më shumë kuota në këtë vot akademik. 100 mjekë janë atashuar në spitalet tona rajonale. 

 

edi rama

Sondazh

Poll

MË SHUMË