Politike

Zgjedhja e kreut të SPAK, ambasadorja e BE-së: Prokuroria efektive është thelbësore për Reformën në Drejtësi

Po ashtu ajo ka shprehur vlerësim për punën e bërë nga Arben Kraja ne këto tre vite në krye të SPAK. 

16 Dhjetor 2022, 19:02 Nga I.A
Zgjedhja e kreut të SPAK, ambasadorja e BE-së: Prokuroria efektive
Christiane Hohmann

TIRANË- Ambasadorja e Bashkimit Evropian në Tiranë, Christiane Hohmann ka komentuar zgjedhjen e Altin Dumanit në krye të Prokurorisë së Posaçme. Me anë të një postimi në Twitter, Hohmann shkruan se efektiviteti i SPAK është thelbësor në suksesin e Reforës në Drejtësi. Po ashtu ajo ka shprehur vlerësim për punën e bërë nga Arben Kraja ne këto tre vite në krye të SPAK. 

Postimi i Plotë:

Mirëpres zgjedhjen nga Këshilli i Lartë i Prokurorisë të zotit Altin Dumani si Kryetar i ri i SPAK. Urime! Shpreh vlerësimin tim të lartë për z. Arben Kraja për punën e bërë gjatë tre viteve të fundit. Një SPAK efektiv është thelbësor për suksesin e reformës në drejtësi.

Altin Dumani është zgjedhur kreu i ri i Prokurorisë së Posaçme Kundër Korrupsionit dhe Krimit të Organizuar (SPAK), duke zëvendësuar Arben Krajën në këtë post. Dumani mori pesë vota nga procesi i votimit që u zhvillua në Këshillin e Lartë të Prokurorisë (KLP). Kandidati tjetër, Edvin Kondili mori 4 vota, ndërsa Adnan Xholi mori vetëm një votë.

christiane hohmann altin dumani ne krye te spak

Sondazh

Poll

MË SHUMË