Politike

Debate te ‘Ekonomia’, Ibrahimaj: Në fokus rindërtimi dhe sporti. Braçe: Po bujqësia? Opozita: Keqmenaxhim

Deputetja demokrate Jorida Tabaku gjatë komisionit ka deklaruar se fondi shtesë për rindërtimin është konsideruar nga opozita si dëshmi e keqmenaxhimit të buxhetit të shtetit nga qeveria.

16 Dhjetor 2022, 20:10 Nga I.A
Debate te ‘Ekonomia’, Ibrahimaj: Në fokus rindërtimi dhe
Komisioni i Ekonomise

TIRANË- Shtesat buxhetore të vitit 2022 me 5 miliardë lekë ka nxitur debate në Komisionin e Ekonomisë. Gjatë komisionit, Ministrja e Financave Delina Ibrahimaj është përplasur me deputetët Erion Braçe, Bujar Leskaj si dhe Jorida Tabaku. Gjatë fjalës së tij në Komisionin, Leskaj ka theksuar se në këtë buxhet nuk ka asnjë ndjeshmëri për shtresat në nevojë. 

"Asnjë ndjeshmëri për shtresat në nevojë. Ju do votoni si t’ju thotë lideri global, që vetë sdo ta votoj, se sdo ketë kohë të merret me këto. Nuk nxirrni arsyen e vërtetë se përse janë rritur të ardhurat, por kjo ka ndodhur prej çmimeve", tha Leskaj.

Deputetja demokrate Jorida Tabaku gjatë komisionit ka deklaruar se fondi shtesë për rindërtimin është konsideruar nga opozita si dëshmi e keqmenaxhimit të buxhetit të shtetit nga qeveria.

"Rindërtimi bashkë me incineratorët është një nga problemet më të mëdha të buxhetit. Keni miratuar një fond minimal, keni bërë tenderimet për fondin e rindërtimit pa i pasur fonde të planifikuara në buxhet dhe tani pak nga pak po i rrisni. Dhe fondin që keni parashikuar për vitin e ardhshëm, këtu do të jemi kur do ta rrisni, të gjitha të tenderuara. Ka shkuar pothuajse 1 miliard euro gjithë projekti i rindërtimit pa pasur asnjë transparencë por njëkohësisht me një fond të tenderuar pa i pasur burimet financiare të miratuara në buxhet," tha Tabaku.

Ministrja Delina Ibrahimaj në fjalën e saj deklaroi se nga ky buxhet do të mbështeten më shumë se 1 mijë blegtorë. Ministrja tregoi ndryshimet që do të bëhen në buxhet që përfshin rritje fondesh për disa institucione dhe rialokim fondesh në disa të tjera.

"Vit i vështirë në parashikime. 1000 blegtorë më shumë do mbështeten nga buxheti…Rritja e të ardhurave jo vetëm prej rritjes së çmimeve. Konsumi i popullatës 9.07% është rritur në 6 muajt e parë të 2022. Pagat mesatare janë rritur 9%, në krahasim me 2021, më e lartë se inflacioni… pensionet janë rritur 9.5%. në administratën publike.Pagat në adm publike u rritën 7% në krahasim me shumë se vjet. Rritja ekonomike është rritur, numri bizneseve është rritur", tha Ibrahimaj.

Ndërkohë që nga ana tjetër deputeti Braçe, për ndarjen e fondeve për Komitetin Olimpik dhe Federatën e Futbollit, tha se ato janë OJF dhe statusi ia ndalon të marrin para nga shteti. Braçe gjithashtu përmendi dhe paratë shtesë për Korporatën e Investimeve, Albgaz dhe Aviacionin Civil duke thënë se çfarë mund të bëjnë ato me 15 ditë të mbetura deri në fund të vitit.

“Nuk mund të shkojnë paratë atje ku janë paratë. Nuk shkon kështu. FSHF-ja bërtet se qeveria po e cënon dhe prap pranon para nga shteti. Për çfarë i duhen? Nuk kanë lekë ata? Po për KOKSH? Vjet pati 500 mln lekë fonde të dhëna, çfarë do bëjë deri më 31 dhjetor me 250 mijë?”, tha Braçe.

delina ibrahimaj jorida tabaku erion braçe bujar leskaj

Sondazh

Poll

MË SHUMË