Sport

Grip apo Covid te Franca? Izolohen lojtarët e sëmurë. Edhe nëse do të bëheshin testet, rezultati nuk do të komunikohej…

Upamecano dhe Rabiot janë shëruar dhe do të jenë të disponueshëm, ndërsa të njëjtat siguri nuk mund të jepen në lidhje me Coman, Varane dhe Konate.

17 Dhjetor 2022, 12:48 Nga DOSJA
Grip apo Covid te Franca? Izolohen lojtarët e sëmurë. Edhe

KATAR - Emergjencë në mbrojtjen e Francës, e cila po përgatitet të luajë finalen e Botërorit të “Katar 2022” kundër Argjentinës. Dhe gjithashtu ‘Blutë’ duhet të luftojnë edhe kundër gripit, i cili po shkatërron lojtarët në dispozicion të Didier Deschamps.  Upamecano dhe Rabiot janë shëruar dhe do të jenë të disponueshëm, ndërsa të njëjtat siguri nuk mund të jepen në lidhje me Coman, Varane dhe Konate.

Grip apo Covid? Askush nuk e di dhe, shkruan ‘La Gazzetta’, duke shtuar se edhe nëse Franca do t'i bënte tamponët, nuk do të zbulohej rezultati. Kështu, lojtarët e sëmurë janë izoluar në dhomat e hoteleve, por urgjenca ka edhe implikimet e saj taktike: nisur nga situata, Deschamps mund të përdorë Pavard si qendërmbrojtës përballë Lloris.

B.T (Dosja.al)

Sondazh

Poll