Bota

"Hakmarrje e regjimit autokratik serb", Kurti reagon pas ndalimit të Trajkoviçit në Merdar

Në një postim në Twitter Kurti tha se një ndalim i tillë nga regjimi i Beogradit është për hakmarrje ndaj serbëve që respektojnë ligjin e Kosovës.

16 Dhjetor 2022, 11:38 Nga d.a.
"Hakmarrje e regjimit autokratik serb", Kurti reagon pas ndalimit
Kurti

KOSOVË- Kryeministri i Kosovës Albin Kurti ka komentuar ndalimin e Rada Trajkoviçit, këshilltares së ministrit Nenad Rashiç, nga policia serbe në kufi teksa ishte duke u kthyer në Kosovë.

Në një postim në Twitter Kurti tha se një ndalim i tillë nga regjimi i Beogradit është për hakmarrje ndaj serbëve që respektojnë ligjin e Kosovës. Për më tepër, Kurti përmendi edhe problemet shëndetësore të Trajkoviçit.

“Ndalimi 10-orësh në kufi nga regjimi autokratik serb i Rada Trajkoviq, këshilltare e ministrit kosovar Nenad Rashiq dhe një diabetike, për herë të dytë këtë javë, është një shkelje e rëndë e të drejtave të njeriut dhe hakmarrje tipike ndaj serbëve që respektojnë ligjin e Kosovës”, ka shkruar Kurti.

Pas deklaratës së Kurtit vetë Trajkoviç e ka falënderuar atë për fjalët dhe mbështetjen e shprehur ndaj saj. 

Ndërkohë në postimin e tij ai ka përmendur edhe Përfaqësuesin e Lartë të BE-së, Josep Borrell dhe emisarin special, Miroslav Lajçak.

 

rada trajkoviç albin kurti

Sondazh

Poll

MË SHUMË