Sport

Ceferin dhe Nasser Al Khelaïfi, reagojnë pas vendimit të gjykatës së Strasburgut

Gjykata përforcon rolin qendror të federatave europiane UEFA dhe asaj botërore FIFA në mbrojtjen e sportit, mbrojtjen e parimeve themelore të meritave sportive dhe aksesit të hapur mes anëtarëve tanë, si dhe bashkimin e futbollit me përgjegjësi dhe solidaritet të përbashkët”.

15 Dhjetor 2022, 12:05 Nga DOSJA
Ceferin dhe Nasser Al Khelaïfi, reagojnë pas vendimit të

ZVICER - UEFA u shpreh e kënaqur me vendimin e Avokatit të Përgjithshëm të Gjykatës së Luksemburgut në çështjen C-333/21 për një rast të pretenduar të monopolit dhe shpërdorimit të pushtetit të paraqitur nga Kompania Evropiane e Superligës. “UEFA mirëpret opinionin e sotëm të qartë të Avokatit të Përgjithshëm Rantos, i cili është një hap inkurajues drejt ruajtjes së strukturës ekzistuese dinamike dhe demokratike të qeverisjes në piramidën e futbollit europian. Gjykata përforcon rolin qendror të federatave europiane UEFA  dhe asaj botërore FIFA në mbrojtjen e sportit, mbrojtjen e parimeve themelore të meritave sportive dhe aksesit të hapur mes anëtarëve tanë, si dhe bashkimin e futbollit me përgjegjësi dhe solidaritet të përbashkët”.

Deklarata vazhdoi: “Futbolli në Evropë mbetet i bashkuar dhe kundërshton me vendosmëri Superligën, apo ndonjë propozim të ngjashëm të shkëputur, që do të kërcënonte të gjithë ekosistemin sportiv europian. Ndërsa presim vendimin përfundimtar të Gjykatës që do të jepet vitin e ardhshëm, UEFA, si një organ qeverisës jofitimprurës dhe me interes publik, do të mbetet plotësisht e fokusuar në misionin e saj për zhvillimin e futbollit për të gjithë, në bashkëpunim të ngushtë me shoqatat kombëtare, ligat, klubet, lojtarët, tifozët, institucionet e BE-së, qeveritë dhe palët e tjera të interesuara që kujdesen për vlerat e vërteta të futbollit”. Duhet të kujtojmë se Ceferin ka qenë kritiku më i madh i Superligës që në momentin e parë.

ACE (Shoqata e Klubeve Europiane), gjithashtu e lumtur

Edhe Shoqata e Klubeve Evropiane, e kryesuar nga Nasser Al Khelaïfi, presidenti i PSG, u shpreh e kënaqur me rezolutën e Avokatit të Përgjithshëm: “Opinioni i lëshuar sot nga Avokati i Përgjithshëm i GJED-së, Rantos, propozon një refuzim të qartë të përpjekjeve të pak klubeve, për minimin e themeleve dhe trashëgimisë historike të futbollit evropian për shumicën. Si një organ që përfaqëson gati 250 nga klubet më të mira të futbollit të Evropës, ECA është e zëshme në kundërshtimin e saj të fortë ndaj atyre pak klubeve vetëshërbyes që kërkojnë të prishin futbollin e klubeve evropiane dhe të minojnë vlerat që e mbështesin atë. Opinioni i publikuar sot nga Avokati i Përgjithshëm Rantos përforcon kundërshtimin e kahershëm të ECA ndaj Superligës Evropiane dhe çdo projekti separatist”, thuhet në një deklaratë.

“ECA qëndron për evolucionin e përgjegjshëm dhe progresiv të futbollit dhe mbetet e palëkundur në besimin e saj se në Evropë kjo duhet të arrihet së bashku me UEFA-n si organ legjitim qeverisës, së bashku me aktorë të tjerë profesionistë të futbollit dhe institucione qeveritare dhe evropiane. ECA ka bërë shumë progres pozitiv dhe reforma duke punuar në partneritet me UEFA-n vitet e fundit në dobi të të gjithë ekosistemit evropian të futbollit. ECA tani pret vendimin përfundimtar të Gjykatës, ndërkohë, do të vazhdojë të ndjekë interesat më të mira të të gjithë anëtarëve tanë – klubeve që e bëjnë futbollin e klubeve evropiane më të mirën në botë”.

B.T (Dosja.al)

Sondazh

Poll

MË SHUMË