Aktualitet

Jo vetëm Roan Brahimi/ Kush janë të dyshuarit e tjerë për atentatin ndaj Ylli Ibrahimit, në banesa u gjetën vetëm familjarë: S’dimë ku janë

Policia ushtroi kontrolle edhe në disa banesa të tjera. Më konkretisht në ato të Izmir Selit, në fshatin Zhejë të Kurbinit, të Ervis Kuqit në qytetin e Milotit në Kurbin, si edhe në banesën e Alfred Rakaj, në Patok.

14 Dhjetor 2022, 21:47 Nga F.M
Jo vetëm Roan Brahimi/ Kush janë të dyshuarit e tjerë
Klisman Preçi dhe Ylli Ibrahimi

TIRANË- Roan Brahimi nuk është i vetmi që dyshohet se ka gisht në atentatin ndaj Ylli Ibrahimit, ngjarje e ndodhur më 22 korrik, ku mbeti i vdekur Klisman Preçi. “Në Shënjestër” raportoi se krahas banesës së tij, policia ushtroi kontrolle edhe në disa banesa të tjera. Më konkretisht në ato të Izmir Selit, në fshatin Zhejë të Kurbinit, të Ervis Kuqit në qytetin e Milotit në Kurbin, si edhe në banesën e Alfred Rakaj, në Patok.

Në këto banesa nuk u gjet asnjëri prej të dyshuarve, por vetëm të afërm, të cilët nuk kishin dijeni se ku ishin familjarët e tyre që kërkohen nga policia.

Si ndodhi atentati?

Klisman Preçi dhe Ylli Ibrahimi po lëviznin me një mjet të blinduar, por 108 plumba blindshpues arritën që u futen brenda mjetit. 28-vjeçari Preçi u qëllua i pari, në momentin që ka zbritur nga makina. Pas tij, Ylli Brahimi ka hapur derën dhe ka tentuar të dalë nga mjeti në të cilin ishte si pasagjer, por përballë të shtënave pa ndërprerje që kanë zgjatur afro 3 minuta, ai ka hyrë sërish në makinë për t’u mbrojtur nga plumbat. Preçi humbi jetën ndërsa Ibrahimi mbijetoi. Para prokurorëve, Ibrahimi nuk ka dhënë asnjë detaj nga ngjajra e ndodhur.

roan brahimi ylli ibrahimi klisman preci

Sondazh

Poll

MË SHUMË