Politike

Berisha: Po përgatisim një ligj që detyron partitë që të votojnë brenda vetes për drejtuesit

Berisha tha se do të ndjekin linjën e Bundestagut gjerman që e ka miratuar këtë ligj pasi dolën nga diktatura naziste. 

14 Dhjetor 2022, 17:53 Nga F.M
Berisha: Po përgatisim një ligj që detyron partitë që
Sali Berisha

TIRANË- Kryedemokrati Sali Berisha tha se Partia Demokratike do të dalë me një ligj të ri që do të detyrojë partitë të votojnë për kryetarin e tyre. Në fjalën e tij në mbledhjen e kryesisë së PD-së, Berisha tha se do të ndjekin linjën e Bundestagut gjerman që e ka miratuar këtë ligj pasi dolën nga diktatura naziste. 

Pjesë nga fjala e Berishës:

Një ligj do të përgatitet sa më shpejt, i cili do të detyrojë çdo parti politike, të respektojë normat bazë të demokracisë në jetën e saj. Ky ligj u miratua nga Bundestagu gjerman, pas daljes nga diktatura naziste dhe ky ligj ka detyruar forcat politike të harkut kushtetues të Gjermanisë, në jetën e tyre të brendshme të zbatojnë standardet demokratike. Uroj që anëtarët dhe simpatizantët e PS-së të detyrojnë deputetë e tyre të votojnë këtë ligj, përndryshe i garantoj se ligji i parë që do të votohet pas fitores së PD-së, do të jetë ky ligj dhe se çdo forcë politike që nuk e zbaton atë do të dalë jashtë ligjit, cilado qoftë ajo.

sali berisha

Sondazh

Poll

MË SHUMË