Bota

Papa Françesko nxit lutjet për Ukrainën: Mos shpenzoni më shumë seç duhet për Krishtlindje, ndihmoni ukrainasit

Duke u kërkuar besimtarëve që të luten për Ukrainën, Papa Françesku sugjeroi një "gjest konkret" mbështetjeje për ukrainasit.

14 Dhjetor 2022, 12:10 Nga a.l
Papa Françesko nxit lutjet për Ukrainën: Mos shpenzoni më
Papa Françesku

UKRAINË- Papa Françesku u kërkoi besimtarëve këtë vit që të ulin shpenzimet e Krishtlindjeve në mënyrë që të ndajnë kursimet për popullin ukrainas. Papa propozoi që të gjithë të kalonin një Krishtlindje "më të përulur" dhe me "ukrainasit në zemrat tona", shkruajnë mediat e huaja. 

"Ripërtërijmë afërsinë tonë me popullin martir ukrainas", ishte njoftimi i parë i Papa Françeskut, duke shkaktuar duartrokitje të gjata në sallën Pali VI të Vatikanit, ku qindra besimtarë nga e gjithë bota dëgjuan katekzën e tij, si çdo mëngjes të mërkurë.

Duke u kërkuar besimtarëve që të luten për Ukrainën, Papa Françesku sugjeroi një "gjest konkret" mbështetjeje për ukrainasit.

“Le të ulim nivelin e shpenzimeve për Krishtlindje – kjo është mënyra për ta thënë. Le të bëjmë një Krishtlindje më të përulur, me dhurata më të përulura. Le t'ia dërgojmë atë që kursejmë popullit ukrainas, i cili është në nevojë, ai vuan kaq shumë, ata u uritur, ndjejnë të ftohtin dhe shumë vdesin sepse nuk ka mjekë, nuk ka infermierë në dispozicion. Të mos harrojmë: një Krishtlindje, po; në paqe me Zotin, po, por me ukrainasit në zemrat tona. Dhe le të bëjmë një gjest konkret për ta”.
Pak minuta më parë, Papa Françesku u kishte dërguar një mesazh besimtarëve polakë, të cilët mbështesin një nismë të drejtuar nga Caritas, të titulluar “Nga familja në familje”. Ky veprim ndihmon njerëzit e prekur nga konfliktet e armatosura dhe krizat humanitare në mbarë botën. “Këtë vit, ndihma do të synohet edhe për familjet ukrainase”, shpjegoi Papa argjentinas.

Që nga fillimi i pushtimit rus të Ukrainës, Kreu i Kishës Katolike ka shumëfishuar thirrjet për paqe dhe ka shprehur dhjetëra herë mbështetjen e tij për popullin ukrainas. 8 dhjetorin e kaluar, gjatë një kremtimi të Virgjëreshës Mari në qendër të Romës, ai qau kur fliste për situatën në Ukrainë./Dosja.al

lufta ne ukraine papa françesko

Sondazh

Poll

MË SHUMË