Bota

Katastrofë nga përmbytjet në Kongo/ Rritet bilanci i viktimave, 120 të vdekur, shtëpi e rrugë mbulohen nga balta

residenti Felix Tshisekedi, i cili aktualisht është në samitin e Afrikës të organizuar nga qeveria amerikane në Uashington, i bëri thirrje kabinetit të tij që të veprojë sa më shpejt dhe të marrë masa.

14 Dhjetor 2022, 11:55 Nga a.l
Katastrofë nga përmbytjet në Kongo/ Rritet bilanci i viktimave,
Përmbytje

GJERMANI- Pas shirave të dendur, të paktën 120 njerëz vdiqën në kryeqytetin e Republikës Demokratike të Kongos. Ministri i Brendshëm Daniel Aselo tha për agjencinë gjermane të shtypit se shumë njerëz u plagosën dhe u dërguan në spitalet aty pranë.

Mediat e huaja shkruajnë se, Kryqi i Kuq fillimisht raportoi për 50 viktima, por bilanci i vikitmave është rritur duke shkuar në 120 të vdekur. Presidenti Felix Tshisekedi, i cili aktualisht është në samitin e Afrikës të organizuar nga qeveria amerikane në Uashington, i bëri thirrje kabinetit të tij që të veprojë sa më shpejt dhe të marrë masa. Tshisekedi shpalli tre ditë zie kombëtare. Thuhej se ai do të shkurtonte qëndrimin në Uashington.

Sipas Kryqit të Kuq, shirat e dendur kishin shembur shtëpi të tëra në rrethet Mont-Ngafula dhe Ngaliema. Shumë rrugë në kryeqytetin e vendit qendror të Afrikës u përmbytën, duke përfshirë Rrugën Kombëtare 1, një rrugë kryesore tregtare për në Angolë. Ashtu si shumë qytete të mëdha afrikane, Kinshasa po lufton me infrastrukturën e papërshtatshme dhe sistemet e ujërave të zeza./Dosja.al

permbytje ne kongo

Sondazh

Poll

MË SHUMË