Aktualitet

'Si lojë shahu'/ Teknologjia në zgjedhje, Celibashi: Nëse dikush do të sulmojë sistemet, duhet të bëjmë kalkulime

Celibashi u shpreh se duhet të bëhen llogaritë në mënyrë që të mos u sulmohen mjetet e teknologjisë. 

14 Dhjetor 2022, 10:15 Nga A.B
'Si lojë shahu'/ Teknologjia në zgjedhje, Celibashi:
Ilirjan Celibashi

TIRANË- Kryetari i Komisionit Qëndror të Zgjedhjeve, Ilirjan Celibashi komentoi ditën e sotme situatën e teknologjisë në zgjedhjet e 14 majit. Në një konferencë për mediat, Celibashi u shpreh se duhet të bëhen llogaritë në mënyrë që të mos u sulmohen mjetet e teknologjisë. 

'Votimi elektronik ka rezultuar një sukses për KQZ. Implementimi lidhet dhe me sigurinë e sistemeve, deri më sot nuk kemi pasur asnjë problem, kjo lidhet me faktin se 2 sistemet janë të mbyllura, ndryshe do ofronin një mundësi për sulme. Fakti që votimi elektronik nuk është i lidhur me internetin. Do të vijë koha që këto sisteme do duhet të komunikojnë. Na duhet të tregojmë kujdes për sigurinë. Do duhet ta shfrytëzojmë. Problemet e fundit kanë rritur vëmendjen e KQZ. Po përpiqemi të kuptojmë se cilat janë pikat që mund të ushtrohen në mënyrë që në zgjedhjet e ardhshme vendore të mos kemi probleme. Nëse dikush do të sulmojë në sistemet që janë ngritur, ka gjasa mirëpo duhen bërë kalkulime, si në lojë shahu, që të dalim fitues.'- tha Celibashi.

ilirjan celibashi

Sondazh

Poll

MË SHUMË