Bota

"Angazhimi i SHBA do të shpëtojë situatën", Haradinaj flet pas takimit me Escobar dhe Hovenier

Pas takimit Haradinaj tha se të dy zyrtarët amerikanë janë mjaft të fokusuar në zhvillimet në veri dhe se kërkesa e tyre është që të ulen tensionet, të hiqen barrikadat dhe të kthehet normaliteti në atë pjesë të vendit.

13 Dhjetor 2022, 10:37 Nga d.a.
"Angazhimi i SHBA do të shpëtojë situatën",
Haradinaj

KOSOVË- Sapo ka përfunduar takimi mes të dërguarit të psoaçëm të Shteteve të Bashkuara të Amerikës për Ballkanin Perëndimor, Gabriel Escobar dhe Ambasadorin e ShBA’së në Kosovë, Jeffrey Hovenier me Kreun e Aleancës për Ardhmërinë e Kosovës, Ramush Haradinaj.

Pas takimit Haradinaj tha se të dy zyrtarët amerikanë janë mjaft të fokusuar në zhvillimet në veri dhe se kërkesa e tyre është që të ulen tensionet, të hiqen barrikadat dhe të kthehet normaliteti në atë pjesë të vendit.

“Sapo përfundova takimin me z. Escobar dhe ambasadorin Hovenier. Mund t’ju them se janë mjaft të fokusuar në zhvillimet në vend, posaçërisht në Veri, me kërkesën eksplicite që të ulen tensionet, të hiqen barrikadat dhe të kthehet normaliteti në atë pjesë të vendit. Besoj se ky angazhim serioz do ta shpëtojë situatën dhe do të na kthejë te marrëveshja finale për njohje Kosovë- Serbi. Në emër të AAK-së, shpreha falënderimin për ndihmën jetike që po jep”, ka shkruar Haradinaj.

Ditën e sotme Gabriel Escobar do të takohet edhe me Kreun e PDK’së, Memli Krasniqin dhe atë të LDK’së, Lumir Abdixhikun, pas dy takimeve të zhvilluara ditën e djeshme me kryeministrin Albin Kurti dhe presidenten Vjosa Osmani.

ramush haradinaj gabriel escobar ne kosove

Sondazh

Poll

MË SHUMË