Bota

Tensionet në Kosovë, Berisha publikon momentin kur sulmohet gazetarja: Vuçiç kërkon destabilizimin e Kosovës, ndërkombëtarët të ndërhyjnë

Kreu i Partisë Demokratike u ka bërë thirrje ndërkombëtarëve që të ndërhyjnë. Ai shton se sulmet terroriste dhe destabilizuese të bandave kriminale serbe janë të dirigjuara direkt nga Beogradi.

11 Dhjetor 2022, 17:04 Nga F.M
Tensionet në Kosovë, Berisha publikon momentin kur sulmohet gazetarja:
Sali Berisha

TIRANË- Kryedemokrati Sali Berisha ka dënuar sulmet e ndodhura në Veri të Kosovës. Në një postim në Facebook, Berisha ka publikuar videon ku shihet momenti që sulmohet gazetarja e RTV Dukagjinit. Krah pamjeve, Berisha shkruan se Presidenti i Serbisë, Aleksandër Vuçiç kërkon destabilizimin e Kosovës. Kreu i Partisë Demokratike u ka bërë thirrje ndërkombëtarëve që të ndërhyjnë. Ai shton se sulmet terroriste dhe destabilizuese të bandave kriminale serbe janë të dirigjuara direkt nga Beogradi ndaj policisë së Kosovës, misionit të Euleksit mediave si dhe bllokimin banditesk të rrugëve.

Postimi

Serbomadhi Vuçiç vazhdon haptas përpjekjet për destabilizimin e Kosovës. Të dashur miq, banda të armatosura kriminale serbe të orkestruara direkt nga Beogradi sulmuan gjatë natës me bresheri njësitë në detyrë të policisë së Kosovës dhe hodhen granata kundër njësive të Euleksit, gazetarëve dhe ekipit të Televizoinit Dukagjini të Prishtinës në Rudar të Zveçanit. Këto banda kanë bllokuar rrugë kryesore në veriun e vendit. Dënoj me forcën më të madhe këto sulme terroriste dhe destabilizuese të bandave kriminale serbe të dirigjuara direkt nga Beogradi ndaj policisë së Kosovës, misionit të Euleksit mediave si dhe bllokimin banditesk të rrugëve. Mbështes plotësisht autoritet e Kosovës në qëndrimez e tyre për garantimin e integritetit teritorial, sovranitetit, rendit, sigurisë së vendit të tyre. I bëj thirrje komunitetit ndërkombëtar të ndëshkoj qëndrimet luftënxitëse të kordinuara me Kremlinin të presidentit të serbomadhisë Vuçiç dhe bandave të tij kriminale në veriun e Kosovës.

Situata në Kosovë vijon të jetë e tensionuar. Patrulla e EULEX-it në veri të Kosovës është sulmuar me bombë. Mbëmjen e kaluar në veri ka patur një situatë të tensionuar me bomba, sulme me armë zjarri dhe mjete shpërthyese. Ndërkombëtarët kanë dënuar sulmin e paprecedentë të forcave KFOR, EULEX dhe policisë së Kosovës në veri duke shtuar se autorët duhet të thirren përpara drejtësisë për aktet e tyre.

sali berisha tensionet në veri të kosovës

Sondazh

Poll