Sport

“Katar 2022”/ Faza çerekfinale: Neymar sfidon Modric, Messi kundër ‘Portokallinjve’

Gara për Kupën e Botës fillon me Kroaci-Brazil (16:00) dhe Holandë-Argjentinë (20:00)

9 Dhjetor 2022, 10:18 Nga DOSJA

“Katar 2022”/ Faza çerekfinale: Neymar sfidon Modric, Messi

KATAR - Kroaci-Brazil dhe Holandë Argjentinë, Kupa e Botës në Katar fillon me dy çerekfinalet e para. Selecao, që ka mbizotëruar ndaj kroatëve në dy ndeshjet e mëparshme për Kupën e Botës, në 2006 dhe 2014, e nis me rolin e favoritëve ndaj nënkampionëve në fuqi. 

Kroaci-Brazil (16:00)

Neymar ëndërron një gjysmëfinale të shkëlqyer kundër fituesit të çiftit mes Argjentinës së Messit dhe Holandës. Ndeshja spektakolare kundër Koresë së Jugut, dëshmoi masën e cilësive të skuadrës në dispozicion të Tites. Pak e lodhur për të hequr qafe Japoninë, vetëm me penallti në 1/16, kroatët  nuk e fshehin dëshirë e madhe për të mahnitur. Kombëtarja e trajnerit Dalic nuk ka ndërmend të ndalet tani, e bindur për mjetet dhe forcën e saj, një grup solid dhe që mund të mbështetet në përvojën e një mesfushe të përbërë nga Luka Modric, Marcelo Brozovic dhe Mateo Kovacic. Përveç gabimit absolutisht pa dhimbje me Kamerunin në fazën e grupeve, Brazili shkëlqeu si me Zvicrën ashtu edhe me Serbinë dhe më pas, thuajse bëri shaka me koreanët.

“Katar 2022”/ Faza çerekfinale: Neymar sfidon Modric, Messi

Holandë-Argjentinë (20:00)

Argjentina e Messit do të përballet me sfidën për të kapërcyer fortesën e Holandës së Van Gaalit, i cili mediton hakmarrjen e tij: në 2014 ‘Portokallinjtë’ që ai drejtonte u eliminuan në gjysmëfinale nga ‘Albicelestet’ dhe është e pashmangshme që tetë vjet më vonë trajneri veteran të dëshirojë të heqë shijen e hidhur të talljes nga goja e tij. “Dua shumë të heq qafe këtë shije të hidhur që kam që nga viti 2014”,- ka rrëfyer trajneri 71-vjeçar. Por ai do të përballet me një skuadër, që pas hapit të gabuar ndaj Arabisë Saudite e gjeti veten të marrë nën kontrollin e yllit të saj. ‘Pleshti’ është mësuar me fortesa të zhveshura dhe ‘Portokallia’ është ndër më të pakalueshmet që ka pranuar vetëm dy gola në katër ndeshje.

B.T (Dosja.al)

Sondazh

Poll

MË SHUMË