Sport

Luis Enrique në qendër të kritikave, Federata e Futbollit pret dorëheqjen e tij…

Tifozët të tërbuar nga eliminimi, veçanërisht ata të Real Madridit. Kritikohet edhe mënyra e lojës pozicionale

8 Dhjetor 2022, 07:29 Nga DOSJA
Luis Enrique në qendër të kritikave, Federata e Futbollit pret

SPANJE - Luis Enrique ka përfunduar në bankën e të akuzuarve pas eliminimit shokues në raundin e 16-të të Katarit 2022 nga Maroku. Tifozët, veçanërisht ata të Real Madridit dhe mediat në kor nuk i kanë kursyer kritikat ndaj trajnerit të Spanjës, madje kanë shkuar deri aty sa kanë vënë në pikëpyetje edhe mënyrën e lojës pozicionale, një shenjë dalluese e Lucho-s, por edhe e klubeve të mëdha, si Manchester City dhe Bayern Monk. 

Sipas “Marca”, Federata Spanjolle e Futbollit tashmë pret dorëheqjen e trajnerit asturian, duke cituar burime nga vetë federata, të cilët do të kishin nënvizuar se “jemi në të njëjtën pikë si në vitin 2018”, kur u eliminuan ‘Furitë e Kuqe’ në Kupën e Botës po me penallti në shtëpinë e Rusisë.

Por cilat janë kritikat në veçanti ndaj Luis Enrique? Lucho nuk falet nga tifozët (ndoshta të besimit madrilen) për tendencën për të thirrur shumë lojtarë nga Barcelona dhe pak nga Real Madrid. Në skuadrën e Katarit kishte tetë blaugrana (kapiten Busquets, Pedri, Gavi, Eric Garcia, Jordi Alba, Ansu Fati, Ferran Torres dhe i riu Balde) dhe vetëm dy merengues kampionë europianë në fuqi (Carvajal dhe Asensio). Një zgjedhje e diktuar nga fakti se ka vetëm një grusht lojtarësh spanjolë në radhët e kampionëve të Europës dhe mbi të gjitha nga fakti se, nuk është mister, filozofia e Barçës përshtatet në mënyrë të përkryer me kredon e futbollit të Spanjës.

Dhe këtu vijmë tek kritikat për mënyrën e lojës, 4-3-3, posedimin e topit, lojërat vertikale dhe të papritura. Loja pozicionale, predikues i së cilës ishte legjendari Johan Cruyff, si trajner i Barçës, profeti Louis Van Gaal, në kohën e Ajax-it (trajneri që u frymëzua më shumë nga Luis Enrique) dhe më pas interpretuesi më i madh modern Guardiola, i cili u rrit në shkollën e futbollit fillimisht me njërin dhe më pas me tjetrin (gjithmonë në Barça). Spanja e tiki-takës së përjetshme, në dominimin dhe menaxhimin e topit u bë shumë keq ndaj Marokut. Lëvizshmëria e vazhdueshme dhe shkëmbimet pozicionale midis lojtarëve pjesëmarrës në lojën pozicionale nuk funksionuan kundër një ekipi që mbrohej me rregull në shpinë. 

Por nga këtu deri te vënia në dyshim e një stili loje të praktikuar edhe nga skuadra si Manchester City dhe Bayern Munich, shkon me të vërtetë shumë. Në Spanjë duhet të jenë të kujdesshëm që të mos bëjnë gabimin e kthimit pas në kohë. Në një periudhë (para vitit 2008) në të cilën ‘Furitë e Kuqe’ panë që ekipet e tjera kombëtare të fitonin vazhdimisht.

B.T (Dosja.al)

Sondazh

Poll

MË SHUMË