Politike

Një ditë pas sulmit në protestë, Berisha s'del për mediat, Lela: Ndodhet nën ngrohtësinë e familjes

Alfred Lela tha se sot nuk do të ketë asnjë reagim nga Berisha për ngjarjen e djeshme brutale, pasi gjithçka e tha dje.

7 Dhjetor 2022, 13:08 Nga A.B
Një ditë pas sulmit në protestë, Berisha s'del për
Alfred Lela

TIRANË- Një ditë pas sulmit që i ndodhi në protestën e demokratëve në Bulevardin 'Dëshmorët e Kombit', kryedemokrati Sali Berisha ndodhet së bashku me familjen e tij. Kështu bën të ditur ditën e sotme, drejtori i Zyrës së Shtypit në PD, Alfred Lela gjatë një interviste për Euroneës Albania. Ai tha gjatë intervistës se sot nuk do të ketë asnjë reagim nga Berisha për ngjarjen e djeshme brutale, pasi gjithçka e tha dje.

“Zoti Berisha ka marrë me dhjetëra mesazhe nga miq të tij të huaj. Ambasada amerikane, britanike kanë reaguar. Berisha një ditë pas goditjes brutale ndodhet nën ngrohtësinë e familjes, ku do të ndodhej gjithsecili prej nesh. Mos prisni sot reagim nga Berisha. Berisha e bëri dje reagimin si burrë në një mënyrë epike, pavarësisht sulmit ai qetësoi gjakrat, rezistoi si burrat dha një konferencë shtypi mbi 30 minuta”, u shpreh Lela.

Çfarë ndodhi dje?

Gerti Shehu, 31-vjeç sulmoi kreun e PD-së Sali Berisha, teksa ky i fundit ishte duke marshuar drejt bulevardit “Dëshmorët e Kombit” për të marrë pjesë në protestë. 31-vjeçari goditi me grusht në fytyrë Berishën duke e gjakosur. Ai u ndalua menjëherë nga truprojat e Berishës dhe ndërkohë u dhunua nga mbështetës dhe simpatizantë të PD-së. 31-vjeçari u shoqërua nga policia dhe mori mjekim në spitalin e Traumës, pasi ka dëmtime në fytyrë dhe fraktura në hundë. Oficerët kanë tentuar dy herë për të marrë në pyetje të riun, por për shkak të gjendjes së tij shëndetësore, ai nuk ka dhënë deri tani asnjë dëshmi. Dyshohet se 31-vjeçari vuan nga probleme të shëndetit mendor.

dhunohet berisha ne proteste alfred lela

Sondazh

Poll

MË SHUMË