Bota

Misioni u krye me sukses! Astronautët kthehen në Tokë pas gjashtë muajsh

Ishte hera e parë që Kina kishte gjashtë astronautë në hapësirë ​​në të njëjtën kohë

5 Dhjetor 2022, 08:53 Nga a.l
Misioni u krye me sukses! Astronautët kthehen në Tokë pas
astronaut

KINË- Tre astronautë kinezë kanë zbritur përsëri në Tokë pasi kaluan gjashtë muaj duke përfunduar ndërtimin e Stacionit Tiangong. Komandanti Chen Dong dhe astronautët Liu Yang dhe Cai Xuzhe rreth orës 12:10 pasdite zbarkuan në një platformë në shkretëtirën Gobi në Kinën veriore. Ishte hera e parë që Kina kishte gjashtë astronautë në hapësirë ​​në të njëjtën kohë, shkruajnë mediat e huaja. 

Stafi mjekësor i nxori astronautët nga kapsula rreth 40 minuta pas uljes dhe ata ishin në humor teksa preknin Tokën.  Z. Chen, i cili ishte i pari që doli nga kapsula, tha: Jam shumë i lumtur që shoh përfundimin e strukturës bazë të stacionit hapësinor të Kinës pas gjashtë muajsh të zënë dhe të plotë në hapësirë. Si meteorë u kthyem në përqafimin e mëmëdheut.

Një tjetër astronaute, zonja Liu, kujtoi se sa e prekur ishte kur shihte të afërmit dhe kolegët. Tre astronautët ishin pjesë e misionit Shenzhou 14 të nisur në qershor . Gjatë kohës së tyre në Tiangong, astronautët mbikëqyrën pesë takime me anije të ndryshme kozmike, duke përfshirë një që mbante të tretën nga tre modulet e stacionit. Ata gjithashtu kryen një seri eksperimentesh dhe kryen tre shëtitje në hapësirë./Dosja.al

astronautet e kines

Sondazh

Poll

MË SHUMË