Politike

DY OPSIONET- Protestë ose përplasje, ç'do ndodhë më 6 dhjetor?

Dy janë mundësitë që mund të parashikohen për 6 dhjetor, kë do zgjedhë Berisha?

3 Dhjetor 2022, 17:27 Nga k.m.
DY OPSIONET- Protestë ose përplasje, ç'do ndodhë
Foto ilustruese

TIRANË- Data 6 dhjetor vjen me zhvillime në Tiranë. Në kryeqytet vijnë liderët e vendeve të Bashkimit Europian dhe ato të liderëve të vendeve të Ballkanit Perëndimor. Por në të njëjtën ditë, në orën 12.00, kryedemokrati Sali Berisha ka lajmëruar një tubim me sloganin: BE është rruga, jo rruga e Ramës. Me t'u dhënë lajmin numri një i opozitës, nisën diskutimet, aludimet dhe akuzat që nuk u kursyen fare nga maxhoranca.

Policia e Shtetit me një njoftim zyrtar bëri me dije protesta nuk do të lejohet e se nuk do u jepej leje për asnjë arsye, ndërsa zyrtarët socialistë dolën kundër demokratëve, duke i akuzuar e duke u krijuar lidhje me Rusinë, Vladimir Putinin e të tjerë teori konspirative që qarkullojnë prej kohësh në tezat e selisë rozë. Por një reagim i Bashkimit Europian ka ndryshuar me 180 gradë sjelljen ndaj protestës së opozitës.

Nga Bukseli u dha sinjali se asnjë protestë nuk do të ishte problem, për aq kohë sa do të sigurohej mirëqenia të 27 liderëve, disa prej të cilëve 6 dhjetorin e kanë kontaktin e parë me Shqipërinë. Me këtë 'sinjal', çuditërisht në Tiranë ndryshoi edhe qëndrimi i maxhorancës, e cila u bë më pranuese.

Tani problem është vendndodhja e protestuesëve.

Berisha do të protestojë poshtë Kryeministrisë, por ky version nuk pranohet nga Policia, të cilët kanë hequr vijën e kuqe. Për Policinë, tubimi është "ok", po të ndodhë në sheshin "Skënderbej", version që deri më tani nuk pranohet nga PD. Sali Berisha ka një vendim; protestohet në Bulevard dhe askund tjetër, ndërsa Policia kundërshton. Si do të veprohet në këtë rast?

Dy janë mundësitë që mund të parashikohen; Berisha bie dakord dhe proteston shumë larg Kryeministrisë, por proteston!; ose ka përplasje me kordonin e Policisë. Deri më tani, ky duket versioni më i mundshëm. Por se çdo të ndodhtë, do ta shohim vetëm më datë 6.

sali berisha samiti i be 6 dhjetor 2022 protesta e opozites 6 dhjetor 2022

Sondazh

Poll

MË SHUMË