Politike

Protesta para parlamentit/ Kryemadhi: Ne zgjodhëm të ishim si ju, ata janë përfaqësues të Avdylajve, Bajrave, Habilajve dh

26 Shkurt 2019, 16:56 Nga DOSJA
Protesta para parlamentit/ Kryemadhi: Ne zgjodhëm të ishim si ju, ata

TIRANË- Para parlamentit, aty ku është zhvilluar sot protesta e opozitës, kryetarja e LSI, Monika Kryemadhi ka folur para qytetarëve.

Kryemadhi tha se opozita hoqi dorë nga mandatet për të qenë sa më pranë qytetarëve.

Kryemadhi tha se deputetët e mazhorancës nuk janë përfaqësuesë të popullit por të bandave.

Fjala e Monika Kryemadhit:

Ata sot treguan edhe njëherë që nuk janë përfaqësues të popullit. Ata treguan edhe njëherë që janë përfaqësues të Avdylajve, Bajrave, Habilajve dhe kriminelëve, që jo vetëm vodhën, kërcënuan shqiptarët, por edhe i varfëruan ata. Ai Parlament ku sot kanë më shumë se katër orë që janë ngujuar deputetët nga frika, sot tregon edhe njëherë që është parlamenti që punon vetëm për pesë veta. Ai parlament sot tregoi edhe njëherë që në thelbin e zemrës së tyre nuk ekziston respekti dhe dashuria për votuesit e tyre socialistë, por ekziston vetëm dashuria për Vangjushin dhe për gjithë kriminelët e tjerë, që përdorën paratë e drogës për të bërë Edi Ramën kryeministër të Narkoshtetit. Nuk ngelet gjë tjetër për të thënë; Rama ik. Fenomeni i Edi Ramës është një fenomen i cili nuk duhet ta shikojë më sytë e shqiptarëve në qindra dhe mijëra vjet. Një fenomen që shkatërroi Shqipërinë, të ardhmen e shqiptarëve, që largoi 400 mijë shqiptarë nga Shqipëria, që largoi djemtë dhe vajzat, që shkatërroi dhe varfëroi ekonominë shqiptare për të pasuruar vetëm pesë njerëz. Një fenomen që i ka kthyer shkollat shqiptare në vende nga më të tmerrshme të abuzimit dhe të mungesës së sistemit arsimor. Prandaj çdo fjalë e jona këtu është e tepërt, por për një gjë jam e sigurtë. Ai parlament i cili sot është krenaria e Edi Ramës është dhe do të jetë gjithë jetën turp i shqiptarëve. Do të jetë turp i shqiptarëve, ashtu siç kanë qenë vendimet më të turpshme që herë pas herë ka pasur në historinë e Shqipërisë dhe i kanë kushtuar asaj. I kanë kushtuar për lirinë dhe demokracinë e saj. Motra dhe vëllezër. Sot nga ky shesh ju drejtohem atyre socialistëve të ndershëm, të cilët sot vuajnë sot njësoj si ju, që janë papunë, që kanë falimentuar bizneset e tyre nga taksat e larta, që u janë larguar fëmijët e tyre në emigracion për një vend pune më të mirë, për të gjithë ato nëna dhe baballarë, të gjithë ata shqiptarë të cilët ndjejnë çdo ditë e më shumë mundësitë për të shkolluar e për ti rritur fëmijët e tyre e kanë çdo ditë e më të pakët. Prandaj sot prezenca jonë nuk është vetëm për sot. Por do të jetë çdo ditë. Do të jetë çdo ditë dhe në çdo moment, që ajo seli e parlamentit e cila në çdo moment ka qenë foltorja e fjalës së lirë në këto 27 vjet, nuk do të jetë e lirë nga rrethimi që populli do ti bëjë asaj, sa herë që ata do të duan të bëjnë seancat e krimit të organizuar në atë parlament. Sinqerisht me dorë në zemër po ju them edhe dy fjalë. Sot më shumë se kurrë misioni i politikës është që të largojë këtë fenomen vrasës të shpresës të shqiptarëve. Ky fenomen e ka emrin Edi Rama, por po ju them edhe një gjë tjetër. Ne zgjodhëm të ishim si ju, ne zgjodhëm të dilnim në shesh si ju, ne zgjodhëm të lëmë çdo gjë për të treguar që Edi Rama është vetëm dhe sot ai është vetëm.

(F.g/dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

politike politike djegia e mandateve te opozites monika kryemadhi protesta e opozites 26 shkurt djegia e mandateve te opozites monika kryemadhi protesta e opozites 26 shkurt

Sondazh

Poll

MË SHUMË