Bota

Deputetët konservatorë bëjnë thirrje për kthimin e menjëhershëm të azilkërkuesve shqiptarë

Amnesty dënon letrën e 50 deputetëve që thonë se njerëzit që thonë se janë trafikuar duhet të kthehen në Shqipëri.

28 Nëntor 2022, 14:12 Nga k.m.
Deputetët konservatorë bëjnë thirrje për kthimin e
David Davis

BRITANI E MADHE- Më shumë se 50 deputetë konservatorë i kanë shkruar Rishi Sunak duke thënë se azilkërkuesit nga Shqipëria duhet të kthehen. Deputetët, të udhëhequr nga ish-ministri i kabinetit, David Davis argumentojnë se kjo do të zvogëlonte numrin e azilkërkuesëve dhe do të siguronte një pengesë për migrantët. Por Amnesty International tha se ideja do të shkelte konventën e OKB-së për refugjatët dhe do të vinte në rrezik njerëzit e cenueshëm.

Letra i kërkon Sunak të miratojë legjislacionin e urgjencës, që do të thotë se njerëzit nga Shqipëria ose vende të tjera që shihen si të sigurta do të kthehen menjëherë. Ai thotë se kjo duhet të jetë edhe për njerëzit që pretendojnë se janë trafikuar ose janë viktimë e skllavërisë moderne, duke argumentuar se kjo përdoret nga shumë të ardhur shqiptarë për të forcuar pretendimet e tyre për azil. 

“Nëse ata vërtet janë marrë kundër vullnetit të tyre, atëherë ata nuk mund të kundërshtojnë në mënyrë të arsyeshme kthimin në shtëpi. Vetitë në ligjet tona moderne të skllavërisë që e parandalojnë këtë janë qartësisht në kundërshtim me qëllimet e atij ligji dhe duhet të hiqen.”

Davis i tha Sky News se Shqipëria ishte "një vend i sigurt" dhe se njerëzit nuk duhet të lejohen të kërkojnë azil nga frika e persekutimit nga aktorë joqeveritar si psh. bandat kriminale.

“Vetë Zyra e Brendshme nuk i ka interpretuar saktë ligjet e azilit. Çështja është që koha e kthimit për një shqiptar të kthehet nga vite në ditë ose javë. Ky është qëllimi dhe ne mendojmë se është e mundur. Nëse nuk e bëjmë këtë, Home Office nuk do të jetë kurrë në gjendje të përballojë numrin e aplikimeve.  Unë nuk dua të bëj kurban shqiptarët. Ajo që dua të bëj është t'i mbyll zbrazëtirat në ligj,"- tha Davis.

Steve Valdez-Symonds, drejtori i programit për të drejtat e refugjatëve dhe migrantëve të Amnesty UK, tha se Davis e kishte gabim në disa pika.

"Qeveria nuk është e gatshme ose është e paaftë të sigurojë mbrojtje nga persekutimi. Në ligj nuk përcaktohet se cilët duhet të jenë përndjekësit tuaj. Mund të jetë krimi i organizuar, ose gjakmarrja. Mund të jenë edhe gra që persekutohen nga vetë familjet e tyre. Pyetja është nëse shteti është i aftë dhe i gatshëm të ofrojë mbrojtjen që pritet nga ligji ndërkombëtar, apo jo?”.

Pak më shumë se 50% e shqiptarëve iu dha azil në MB, tha Valdez-Symonds, duke shtuar se ishte e gabuar të thuhej se njerëzit e trafikuar mund të ktheheshin në shtëpi.

"Jo çdo i mbijetuar i trafikimit të qenieve njerëzore është domosdoshmërisht i pasigurt për t'u kthyer. Por, kthimi i dikujt nga ku është trafikuar ka të ngjarë t'i çojë ata në shfrytëzim nga e para."

Marrë nga The Guardian

david davis shqiptaret ne angli

Sondazh

Poll

MË SHUMË