Sport

Poloni - Arabia Saudite/ Pas Messit, heronjtë e Renard kërcënojnë Lewan! Ja një prognozë dhe parashikim para sfidës…

Një fitore do t'i jepte sauditëve befasues një biletë për në raundin e 16-të

26 Nëntor 2022, 08:09 Nga DOSJA

Poloni - Arabia Saudite/ Pas Messit, heronjtë e Renard

KATAR - Polonia dhe Arabia Saudite do të përballen me ndeshjen e tyre të dytë në Kupën e Botës, duke filluar nga ora 14:00 në stadiumin Education City. 'Xhelati' i Messit tani po kërcënon Lewandowskin. Një fitore e Arabisë do t'i jepte klasifikimin matematikor në raundin e dytë. Polonia do të kërkojë të zbresë në tokë lojtarët e Renardit dhe të futet në luftë për një biletë për në raundin tjetër .

Si arrin Polonia? Ata i mbijetuan përballjes me Meksikën, nga e cila gërvishtën një pikë, pasi u treguan shumë inferiorë gjatë gjithë lojës. Lewandowski humbi një penallti që mund të ndryshonte gjithçka, por në përgjithësi Polonia zhgënjeu në debutimin e saj. Pritej më shumë nga një ekip shumë i fokusuar në mbrojtje. Çdo gjë që nuk fiton do të komprometojë shumë klasifikimin e tyre, duke u detyruar të mbyllin grupin me sfidën kundër Argjentinës. Bereszynski dhe Bielik e kanë kapërcyer shqetësimin me të cilin përfunduan ndeshjen e parë dhe Michniewicz do t’i ketë në dispozicion të gjithë lojtarët.

Ja dhe formacionet e mundshme të të dyja skuadrave për ndeshjen e sotme:

Poloni - Arabia Saudite/ Pas Messit, heronjtë e Renard

Si arrin Arabia Saudite? Mund të thuhet se tashmë e kanë amortizuar Botërorin pas fishekzjarrëve që dhanë fitoren historike ndaj Argjentinës. Por, djemtë e Renardit duan më shumë, sepse kjo fitore i vendos shumë pranë kualifikimit në fazën e 16-të. ‘Hirushja’ apriori e grupit, tani është lidere dhe përballet me një Poloni që tregoi shenja dobësie ndaj Meksikës. Një fitore e re do t'u jepte atyre klasifikimin matematikor për të tetat. Al Shahrani, për pjesën e mbetur të Kupës së Botës dhe Al Faraj e Sharahili janë jashtë për shkak të lëndimit.

Dueli i ndeshjes? Të dyja skuadrat u janë në ‘duart’ e golashënuesve të tyre, ku te  Lewandowski dhe Al Shehri do të jetë përqendruar vëmendja. Kapiteni mbërrin me penalltinë e humbur ndaj Meksikës dhe me përgjegjësinë për të mbajtur Poloninë në Botëror. ‘Grushti’ i tij do të jetë më vendimtar se kurrë. Al Shehri ishte një nga heronjtë e fitores ndaj Argjentinës, gjë që kërkon ta përsërisë edhe ndaj Polonisë.

B.T (Dosja.al)

Sondazh

Poll

MË SHUMË