Aktualitet

Dhunuan avokatin jashtë Gjykatës pas seancës për çështje pronash, arrestohet 32-vjeçari në Fier

Sipas njoftimit të policisë, në pranga ka përfunduar një 32-vjeçar

25 Nëntor 2022, 10:52 Nga A.B
Dhunuan avokatin jashtë Gjykatës pas seancës për
Gjykata

FIER- Policia ka marrë masa për personat që dhunuan ditën e djeshme avokatin në Fier. Sipas njoftimit të policisë, në pranga ka përfunduar një 32-vjeçar, si dhe referuan materialet e nisi procedimi në gjendje të lirë, për shtetasin J. V., 70 vjeç, pasi kanë ushtruar dhunë fizike ndaj shtetasit  E. S., 37 vjeç (me profesion avokat).

NJOFTIMI I POLICISË:

Në vijim të informacionit paraprak të dhënë ditën e djeshme, sipas të cilit në ambientet e jashtme të Gjykatës së Rrethit Gjyqësor Fier, u konfliktuan dhe u goditën me grushte, shtetasit J. V., 70 vjeç, I. V., 32 vjeç dhe E. S., 37 vjeç (37-vjeçari me profesion avokat), ju bëjmë me dije se:

Specialistët për Hetimin e Krimeve të Komisariatit të Policisë Fier arrestuan, për veprën penale “Kundërshtimi dhe goditja e gjyqtarit”, shtetasin I. V., 32 vjeç, si dhe referuan materialet e nisi procedimi në gjendje të lirë, për shtetasin J. V., 70 vjeç, pasi kanë ushtruar dhunë fizike ndaj shtetasit  E. S., 37 vjeç (me profesion avokat).

fier

Sondazh

Poll

MË SHUMË