Bota

Prokurorët ukrainas: Katër vende ruse të 'torturës' janë zbuluar në Kherson, u përdorën metoda të ndryshme dhune

Kjo vjen pas deklaratës së bërë tre ditë më parë nga hetuesit të cilët bënë me dije se mund të kishte rreth 11 vende torture në gjithë Kherson-in ku dyshohet se forcat ruse dhunonin deri në vdekje ushtarët por dhe civilët ukrainas.

21 Nëntor 2022, 17:56 Nga e.k
Prokurorët ukrainas: Katër vende ruse të
Pamje nga lufta në Ukrainë

UKRAINË- Prokurorët ukrainas thonë se kanë zbuluar katër "vende torture" ruse në qytetin jugor të Khersonit. Kjo vjen pas deklaratës së bërë tre ditë më parë nga hetuesit të cilët bënë me dije se mund të kishte rreth 11 vende torture në gjithë Kherson-in ku dyshohet se forcat ruse dhunonin deri në vdekje ushtarët por dhe civilët ukrainas.

"Qendrat e ndalimit të përkohshëm u zbuluan në katër ndërtesa që forcat ruse dyshohet se kishin përdorur gjatë pushtimit të qytetit. Gjatë pushtimit të qytetit, pushtuesit ndaluan ilegalisht njerëzit dhe i torturuan brutalisht. U gjetën pjesë të shkopinjve gome, një shkop druri, një pajisje e përdorur nga rusët për të torturuar civilët me goditje elektrike, një llambë inkandeshente dhe plumba nga muret. Njerëzit në qeli dhe bodrume iu nënshtruan metodave të ndryshme të torturës, dhunës fizike dhe psikologjike", thuhet në deklaratën e tyre të bërë ditën e sotme.

Forcat ukrainase rimorën Kherson në fillim të këtij muaji pasi Rusia tërhoqi forcat e saj dhe zhvendosi disa prej tyre për të përforcuar pozicionet në rajonet lindore Donetsk dhe Luhansk. Kievi ka akuzuar vazhdimisht Moskën për kryerjen e "krimeve të luftës" dhe "mizorive" që nga pushtimi i saj më 24 shkurt. Rusia i ka mohuar akuzat. Kremlini ndërkohë është zotuar të ndëshkojë ata që janë përgjegjës për vdekjen e një grupi ushtarësh rusë në Ukrainë. 

 

lufta rusi-ukraine

Sondazh

Poll

MË SHUMË