Aktualitet

"Dialog mes kulturave”, magjistratët shqiptarë dhe ata italianë zbresin në fushën e futbollit pas takimeve juridike

Më 17 nëntor delegacioni i magjistratëve shqiptarë u takua me kryeprokurorin Raffaele Cantone dhe më pas me prokurorin e përgjithshëm Sottani dhe kryetarin e Gjykatës së Apelit, Mario Vincenzo D’Aprile, teksa vizita përfundoi në Gjykatën Civile dhe Penale të Perugias.

19 Nëntor 2022, 16:50 Nga k.m.
"Dialog mes kulturave”, magjistratët shqiptarë dhe ata
Pamje nga ndeshja

Në sajë të aktivitetit “Dialog mes kulturave juridike”, një grup magjistratësh shqiptarë dhe italianë kanë organizuar disa aktivitete për shkëmbimin e eksperiencave mes tyre, të ndërmarra nga Prokurori i Përgjithshëm, Sergio Sottani dhe nga Universiteti i Perugias me moton “Një rrugëtim, një binjakëzim”.

Ditën e enjte, më 17 nëntor delegacioni i magjistratëve shqiptarë u takua me kryeprokurorin Raffaele Cantone dhe më pas me prokurorin e përgjithshëm Sottani dhe kryetarin e Gjykatës së Apelit, Mario Vincenzo D’Aprile, teksa vizita përfundoi në Gjykatën Civile dhe Penale të Perugias.


Pas gjithë takimeve me sfond juridik delegacioni i magjistratëve shqiptarë dhe grupi italian kanë zbritur në fushën e futbollit ditën e premte, ku kanë zhvilluar një takim miqësor mes tyre, ku kapiten i ekipit të magjistratëve shqiptarë ishte Petrit Çomo, ndërsa i magjistratëve italianë Brunello Cucinelli.

Sakaq, mësohet se asnjë prej ekipeve nuk ka mundur të gjejë rrugën drejt portës dhe ndeshja ka dalë barazim zero me zero.

sergio sottani

Sondazh

Poll

MË SHUMË