Politike

Samiti i 6 dhjetorit/ Shehu: Aleatët po vijnë se kuptuan lidhjen tuaj me rublat përmes Vuçiç

Shehu tha se pikërisht ky Samit i ka 'djegur' planet e kryeministrit Edi Rama në lidhje me Ballkanin e Hapur. 

17 Nëntor 2022, 19:47 Nga F.M
Samiti i 6 dhjetorit/ Shehu: Aleatët po vijnë se kuptuan lidhjen tuaj
Tritan Shehu

TIRANË- Deputeti i Partisë Demokratike Tritan Shehu tha se Samiti i BE-Ballkani Perëndimor do të zhvillohet në Tiranë për tu treguar Rusisë e Serbisë se ata janë ende aktivë. Nga Kuvendi, Shehu tha se pikërisht ky Samit i ka 'djegur' planet e kryeministrit Edi Rama në lidhje me Ballkanin e Hapur. 

"Samitin që do të zhvillohet në Tiranë ne e përshëndesim jashtëzakonisht shumë, siç kemi përshëndetur dhe Samitet e tjera. Dua të falenderoj opozitën gjermane për vendosmërinë që kanë për të ecur përpara në Procesin e Berlinit. Nëse ka një gjë që ua dogji ju Ballkanin e Hapur të Vuçiçit, ka qenë Procesi i Berlinit. Dhe ju ka çuar në krizë diplomatike. Në këtë mënyrë u dogjën projektet tuaja, ata erdhën se e kuptuan rrezikun që ju paraqesni para aleatëve tanë. Ju flisni për rublat, rublat i keni ju nga Vuçiçi, Ballkani i Hapur është pjesë e asaj trajektoreje. Partnerët tanë e kuptuan dhe vendosën të reagojnë,"- tha Shehu.

tritan shehu seance plenare 17 nentor 2022

Sondazh

Poll

MË SHUMË