Aktualitet

Ekstradimi i Faruk Ozer/ Elbasani e Durrësi lajm në mediat turke: Vendimi mund të ankimohet brenda 15 ditëve

Në artikujt e mediave turke, shkruhet se gjyqtari Elis Dine e mori këtë vendim edhe pse Ozer dhe avokati i tij nuk ishin të pranishëm. 

17 Nëntor 2022, 15:19 Nga I.A
Ekstradimi i Faruk Ozer/ Elbasani e Durrësi lajm në mediat turke:
Faruk Fatih Özer

TURQI- Mediat turke i kanë bërë jehonë vendimit të Gjykatës së Elbasanit për vendosjen e ekstradimit e Faruk Fatih Özer. Në artikujt e mediave turke, shkruhet se gjyqtari Elis Dine e mori këtë vendim edhe pse Ozer dhe avokati i tij nuk ishin të pranishëm. 

"Gjyqtari i Gjykatës së Shkallës së Parë Elbasan, Elis Dine bëri të ditur se kërkesa e Prokurorisë së Elbasanit për lejimin e ekstradimit të Ozerit në Turqi u pranua në seancën, në të cilën Özer nuk ishte i pranishëm. “Si rezultat i kësaj çështjeje, gjykata pranon dhe autorizon kërkesën për ekstradim të shtetasit turk Faruk Fatih Özer nga Republika e Shqipërisë në Republikën e Turqisë”, tha Dine. Gjithashtu, Dine tha se ky vendim mund të ankimohet në Gjykatën e Apelit Durrës brenda 15 ditëve," thuhet në artikull.

Ndërkohë që në një tjetër artikull shkruhet se Ozer akuzohet nga 2027 persona, të cilët janë mashtruar nga ai dhe 20 persona të tjerë.  

"I kërkuar ndërkombëtarisht, Özer u kap në Shqipëri më 30 gusht. Më 2 shtator, Gjykata e Shkallës së Parë Elbasan vendosi vazhdimin e masës së paraburgimit të Ozerit dhe vendimi u apelua nga avokatët e Ozerit më 14 shtator. Më 20 shtator, Gjykata e Apelit të Durrësit la në fuqi urdhrin e ndalimit të Ozerit. Një hetim u nis nga Zyra e Kryeprokurorit Publik të Anadollit pasi Faruk Fatih Özer mashtroi klientët përmes aplikacionit të parave të kriptove Thodex dhe u arratis në Shqipëri. Në aktakuzën prej 268 faqesh, akuzohen 21 persona, përfshirë Faruk Fatih Özer, vëllain e tij të madh Güven Özer dhe motrën e tij të madhe Serap Özer. Janë 2027 persona ankues pasi Thodex u ka ka shkaktuar dëm në vlerë prej 356 milionë lira," thuhet në shkrim.

Gjykata e Elbasanit ka vendosur ditën e sotme ekstradimin e turkut Faruk Ozer. Özer u arratis nga Turqia në 20 prill 2021 dhe u strehua në Shqipëri. Autoritetet turke nisën një hetim më 22 prill, pas një raporti se përdoruesit nuk mund të hynin në llogaritë e tyre të kriptomonedhave Thodex dhe se pronari i kompanisë kishte ikur jashtë vendit. Bordi i Hetimit të Krimeve Financiare (MASAK) përcaktoi shumën e vjedhur nga i riu në plot 356 milionë lira. Sipas pretendimeve, shuma që ai ka marrë është 2 miliardë dollarë. Si rezultat i hetimeve të hapura, Özer u kërkua një dënim me burg për 3 krime. 

faruk fatih Özer

Sondazh

Poll

MË SHUMË