Aktualitet

Banorët kundërshtojnë traun në parkun Divjakë-Karavasta, Dhori: Firma vijoi punimet! Po veprohet si me Teatrin Kombëtar

Në mbështetje të banorëve ka shkuar sot edhe deputetja e Partisë Demokratike, Ilda Dhori.

16 Nëntor 2022, 15:30 Nga e.k
Banorët kundërshtojnë traun në parkun
Parku Divjakë-Karavasta

DIVJAKË- Pavarësisht protestave të banorëve, të cilët kundërshtojnë vendosjen e traut në Parkun Kombëtar Divjakë-Karavasta, firma që po kryehen punimet kanë nisur sërish nga puna ditën e sotme. Në mbështetje të banorëve ka shkuar sot edhe deputetja e Partisë Demokratike, Ilda Dhori.

Ajo tha se për të tretën herë radhëzi tentohet që të vendoset trau në hyrje të parkut dhe pse banorët e kundërshtojnë me forcë këtë vendim. Sipas saj, protesta e banorëve do të vazhdojë deri në fitoren e tyre e shtoi se qeveria po vepron me Parkun Kombëtar Divjakë-Karavasta njësoj siç veproi me Teatrin Kombëtar.

"Situatë e paprecedentë dhe e papranueshme në hyrje të Parkut të Divjakës. Për herën e tretë radhëzi tentohet vendosja e kësaj kabine të shëmtuar. Për të tretën herë radhazi banorët janë këtu për ta kundërshtua por mesa duket njësoj si me teatrin do të gjejnë momentin e përshatëshëm në qetësi që të vendosin bllokadën e parashikuar nga pushteti. Ne do ta ndjekim deri në fund kauzën tonë të drejtë për ta pasur parkun e lirë. Forca të shumta policie vazhdojnë të vijnë për të ruajtur strukturën e shëmtuar të vendosur nga pushteti", tha ajo.

Prej ditësh banorët banorët kanë protestuar në hyrje të Parkut Kombëtar Divjakë-Karavasta aty ku dhe po kryhen punimet për vendojen e traut. Banorët shprehen se të shqetësuar se kjo taksë shtesë do të ndikojë te bizneset e vogla në atë zonë pasi sipas tyre vizitorët ditorë do të rrallohen pas vendosjes së taksës. Për këtë ka reaguar dhe deputeti socialist Erion Braçe. Ai e ka cilësuar si të papranueshme dhe ka kërkuar heqjen e tij.

ilda dhori parku kombëtar divjakë karavasta

Sondazh

Poll

MË SHUMË