Sport

Trajneri Van Gaal nuk është kundër bojkotit të Botërorit nga tifozët holandezë…

Gjatë konferencës së tij të parë për shtyp në Katar, trajneri i Holandës nuk e kundërshtoi një bojkot nga tifozët për Kupën e Botës.

16 Nëntor 2022, 15:37 Nga DOSJA

Trajneri Van Gaal nuk është kundër bojkotit të

KATAR - Kritik prej muajsh për zhvillimin e Kupës së Botës në Katar, trajneri i Holandës, Louis Van Gaal, shpjegoi këtë të mërkurë, se tifozët holandezë që nuk duan të vinë në Katar, apo as të ndjekin Kupën e Botës, kanë "të drejtë", nëse kjo është besim i tyre.

"Unë mendoj se ata kanë të drejtë ta bëjnë këtë, sepse besojnë në të dhe duhet ta bëjnë, nuk është problem,"- tha dekani 71-vjeçar gjatë konferencës së tij të parë në Katar, ku ‘portokallinjtë” kanë mbërritur ditën e martë. 

“Por unë shpresoj që ne të luajmë kaq fantastikisht sa në fund të turneut, kur të shkojmë në finale, ata do të vinë për të parë sa të mirë jemi ne”,- shtoi Van Gaal.

Tifozët, kryesisht nga Europa Perëndimore, kanë ngritur mundësinë e bojkotimit të Botërorit, mes kritikave për respektimin e të drejtave të njeriut në këtë shtet të vogël të Gjirit.

B.T (Dosja.al)

Sondazh

Poll

MË SHUMË