Bota

"E dua babanë tim por nuk përfshihem më në politikë", Ivanka Trump tërhiqet nga fushata e Trump për presidencialet e 2024

Në një deklaratë, Ivanka Trump tha se e do shumë babanë e saj por këtë herë po zgjedh t'u japi prioritet fëmijëve të saj të vegjël dhe jetës private që po krijon si familje. 

16 Nëntor 2022, 10:48 Nga d.a.
"E dua babanë tim por nuk përfshihem më në
Donald dhe Ivanka Trump

SHBA- Ivanka Trump ka vendosur të tërhiqet nga politika amerikane dhe të mos bashkohet në mënyrë aktive në përpjekjen e babait të saj për të rimarrë Shtëpinë e Bardhë në vitin 2024, duke thënë se ajo ka zgjedhur t’i japë përparësi fëmijëve të saj dhe jetës private si familje.

Sipas Guardian, në një deklaratë, Ivanka Trump tha se e do shumë babanë e saj por këtë herë po zgjedh t'u japi prioritet fëmijëve të saj të vegjël dhe jetës private që po krijon si familje. 

"Nuk kam në plan të përfshihem në politikë. Ndërsa gjithmonë do ta dua dhe do ta mbështes babanë tim, në vazhdim do ta bëj këtë jashtë arenës politike. Jam mirënjohës që kam pasur nderin t'i shërbej popullit amerikan dhe do të jem gjithmonë krenar për shumë prej arritjeve të administratës sonë."-tha ajo.

Donald Trump shpalli kandidaturën e tij përzgjedhjet e vitit 2024 të martën në mbrëmje në resortin e tij Mar-a-Lago në Florida. Të pranishëm ishin anëtarët e familjes së tij, duke përfshirë gruan e tij, Melania dhe djalin Eric. I pranishëm ishte edhe bashkëshorti i Ivankës, Jared Kushner, por Ivanka nuk ishte.

Ivanka Trump dhe Kushner luajtën role kyçe në administratën e Trump dhe u bënë një rrufe për zemërimin për shumë nga ekseset e saj, pjesërisht për shkak të jetës së tyre të mëparshme si shtyllat kryesore të skenës sociale elitare të Manhattanit, e cila është shumë demokratike.

Që kur Donald Trump humbi nga Joe Biden në vitin 2020, Ivanka Trump dhe familja e saj janë zhvendosur në një rezidencë të shtrenjtë në Florida. Ajo kohët e fundit dëshmoi para komitetit të 6 janarit, panelit të posaçëm të Kongresit që hetonte kryengritjen në Kapitolin e SHBA në 2021, në të cilën mbështetësit ekstremistë të Trump u përpoqën të përmbysnin humbjen e tij në zgjedhje.

Ivanka Trump ishte me babanë e saj në Shtëpinë e Bardhë atë ditë dhe është një nga më shumë se 800 dëshmitarët që komiteti ka intervistuar. Kongresmeni Bennie Thompson, kryetar i komitetit, e përshkroi dëshminë e saj si jo "të llafës" por të dobishme.

ivanka trump donald trump zgjedhjet ne shba 2024

Sondazh

Poll

MË SHUMË