Bota

"Nëse ka sulmuar Rusia, hapet një sfidë e re"/ Erdogan për shpërthimin në Poloni: Provokimet nuk ndihmojnë

Erdogan vuri në dukje se situata duhet të hetohet dhe se ai do të zhvillojë bisedime me presidentin rus Vladimir Putin kur të kthehet në Turqi

16 Nëntor 2022, 10:04 Nga a.l
"Nëse ka sulmuar Rusia, hapet një sfidë e re"/ Erdogan
Rexhep Tajip Erdogan

TURQI- Presidenti i Turqisë Rexhep Tajip Erdogan, gjatë fjalës së tij në Samitin e G20 komentoi edhe çështjen e raketës që ra në Poloni. Erdogan respekton mohimin e Moskës se raketa që vrau dy shtetas polakë është lëshuar nga Rusia, pasi sipas tij nëse kjo do të ishte e vërtetë do të hapej një sfidë e re. 

“Pretendimi se kjo është një raketë ruse do të ishte një sfidë. Ne po bëjmë çdo përpjekje për të sjellë Ukrainën dhe Rusinë në tryezën e bisedimeve. Provokimet nuk ndihmojnë”, vlerësoi presidenti turk.

“Njoftimi i Rusisë se nuk ka lidhje me to dhe deklaratat e Bidenit se këto raketa nuk janë të prodhuara nga Rusia tregojnë se kjo nuk ka të bëjë fare me Rusinë”, shtoi ai.

Erdogan vuri në dukje se situata duhet të hetohet dhe se ai do të zhvillojë bisedime me presidentin rus Vladimir Putin kur të kthehet në Turqi, shkruan protothema. Presidenti i Turqisë tha gjithashtu se ishte "i bindur" se marrëveshja për eksportet e grurit ukrainas do të zgjatej pas 19 nëntorit, ndërsa shtoi se Ankaraja po bën përpjekje për ta zgjatur atë për një vit, në një intervistë që dha në margjinat e takimit, G20 në Bali./ Dosja.al

raketat ruse godasin polonine

Sondazh

Poll

MË SHUMË