Aktualitet

Vranë 31-vjeçarin shqiptar për ti vjedhur 12 mijë euro, lihen në burg 3 autorët, avokatët: E vrau bashkatdhetari i tij

Akuzat ndaj tre të arrestuarve janë vrasje me paramendim dhe grabitje me mizori, për vrasjen e ndodhur në orët e para të së hënës së kaluar në plazhin e Kartelasit. Të pandehurit ndryshuan qëndrim nga dëshmia fillestare ku i dyshuari i parë, 33-vjeçari me origjinë shqiptare, dyshohet se ka ndryshuar deklaratën fillestare sipas të cilit ka mohuar akuzat që i ngarkohen dhe në fund ka pranuar pjesëmarrjen në vrasje, por së bashku me të akuzuarën 30-vjeçare dhe 24-vjeçarin rom.

15 Nëntor 2022, 10:08 Nga d.a.
Vranë 31-vjeçarin shqiptar për ti vjedhur 12 mijë euro,
Autoret ne gjykate

GREQI- Të tre të pandehurit për vrasjen e 31-vjeçarit shqiptar Eni Dollani, që u gjet i varrosur në një plazh në Kyparisia, u dënuan me masën e paraburgimit pas faljes prej disa orësh të hënën.

Sipas Protothemës, akuzat ndaj tre të arrestuarve janë vrasje me paramendim dhe grabitje me mizori, për vrasjen e ndodhur në orët e para të së hënës së kaluar në plazhin e Kartelasit. Të pandehurit ndryshuan qëndrim nga dëshmia fillestare ku i dyshuari i parë, 33-vjeçari me origjinë shqiptare, dyshohet se ka ndryshuar deklaratën fillestare sipas të cilit ka mohuar akuzat që i ngarkohen dhe në fund ka pranuar pjesëmarrjen në vrasje, por së bashku me të akuzuarën 30-vjeçare dhe 24-vjeçarin rom.

Ata pranojnë se të katërt kanë shkuar në plazh me të njëjtin automjet, por ata vetë nuk janë përfshirë dhe për rrjedhojë nuk dinë se çfarë ka ndodhur saktësisht mes viktimës 31-vjeçare dhe të bashkëakuzuarit të tyre 33-vjeçar. Pretendimet e tyre nuk e bindën hetuesin dhe prokurorin dhe të treve iu caktua masa e ndalimit të përkohshëm.

Avokati mbrojtës i 30-vjeçares greke, George Rallis, pas vendimit të gjykatë u shpreh se klientja e tij ka qenë prezente në shoqërinë e viktimiës dhe autorit por nuk ka qenë pjesmarrëse në krim.

Nga ana e tij, avokati mbrojtës i 24-vjeçarit rom, Apostolos Lytras , theksoi se pas një marrje të gjatë në pyetje, të treve u caktua masa e ndalimit të përkohshëm. Ai tha se klienti im mohon çdo lidhje me këtë krim dhe beson se sapo të dalin rezultatet e ADN-së nga laboratori mjeko-ligjor, do të vërtetohet pa dyshim se ai nuk e ka prekur armën me të cilën është goditur viktima.

31-vjeçari Eni Dollani u gjet i varrosur në rërë në plazhin Kartela Kyparissia më 7 nëntor ku një shtetas shqiptar 33 vjeç, një rom 24 vjeç dhe një greke 30 vjeç janë identifikuar si autorë nga autoritetet policore, të cilët përballen me akuzën e vrasjes me dashje dhe grabitjes.

eni dollani policia greke vritet shqiptari ne greqi

Sondazh

Poll

MË SHUMË