Aktualitet

EMRAT/ Vodhën rreth 3 mln lekë në banesë nën kërcënimin e thikës, arrestohen dy të rinj në Lezhë

Ndërkohë që nga arrestimi i bërë nga policia dy të rinjëve u janë gjetur vetëm 5 qind mijë lekë, një orë si dhe sende me vlerë. 

14 Nëntor 2022, 15:24 Nga I.A
EMRAT/ Vodhën rreth 3 mln lekë në banesë nën
Sendet e vjedhura

LEZHË- Dy të rinj janë arrestuar ditën e sotme në Lezhë për vjedhje. Mësohet se një 21-vjeçar dhe një 17-vjeçar me emrat Altin Markgjokaj dhe Elvis Kola nën kërcënimin e armës kanë vjedhur 2 milion e 8 qind mijë lekë. Ndërkohë që nga arrestimi i bërë nga policia dy të rinjëve u janë gjetur vetëm 5 qind mijë lekë, një orë si dhe sende me vlerë. 

Njoftimi i Policisë:

Lezhë/Finalizohet operacioni policor i koduar "Benefit". Vodhën nën kërcënimin e një mjeti prerës (thikë), një shumë parash, në një banesë, vihen në pranga 2 autorët e dyshuar. Sekuestrohet një pjesë e shumës së parave që dyshohet se është vjedhur nga këta 2 shtetas. Specialistët për Hetimin e Krimeve të Komisariatit të Policisë Lezhë, pas marrjes së kallëzimit nga një shtetas, për vjedhjen e një shumë parash, nën kërcënimin e një mjeti prerës (thikë), nga dy persona, në banesën e tij, kanë organizuar operacionin policor të koduar "Benefit", për identifikimin dhe vënien të pranga të autorëve të kësaj ngjarjeje.

Si rezultat i operacionit u bë arrestimi i shtetasve: A. M., 21 vjeç dhe E. K., 17 vjeç, banues në Zejmen.

Këta 2 shtetas, nën kërcënimin e një mjeti prerë (thikë), kanë vjedhur në banesën e shtetasit M. Ll., shumën 280 000 lekë të rinj. Gjatë kontrollit në banesën e shtetasit të arrestuar A. M., shërbimet e Policisë kanë gjetur dhe sekuestruar në cilësinë e provës materiale shumën 50.000 lekë të rinj, një maskë, një orë dhe sende me vlerë që dyshohet se janë përfituar nga shuma e parave të vjedhura në banesën e shtetasit M. Ll. Materialet u referuan në Prokurorinë pranë Gjykatës së Rrethit Gjyqësor Lezhë, për veprime mëtejshme.

elvis kola altin markgjokaj

Sondazh

Poll

MË SHUMË