Bota

Azerbajxhani shkatërron rrjetin e spiunazhit iranian, arrestohen 5 persona

Një nga shtetasit e arrestuar punonte si kapiten në flotën e naftës të vendit në Detin Kaspik dhe ai "mblodhi informacione për kompanitë dhe zyrat përfaqësuese të vendeve të huaja që operojnë në Azerbajxhan,

14 Nëntor 2022, 11:55 Nga d.a.
Azerbajxhani shkatërron rrjetin e spiunazhit iranian, arrestohen 5 persona
Foto ilustruese

AZERBAJXHAN- Një rrjet ilegal spiunazhi iranian u shkatërrua të hënën, tha Shërbimi i Sigurimit Shtetëror i Azerbajxhanit ku pesë persona, të cilët ishin pjesë e rrjetit u arrestuan për tradhti, shtoi shërbimi i sigurisë në një deklaratë.

Sipas mediave të huaja, një nga shtetasit e arrestuar punonte si kapiten në flotën e naftës të vendit në Detin Kaspik dhe ai "mblodhi informacione për kompanitë dhe zyrat përfaqësuese të vendeve të huaja që operojnë në Azerbajxhan, vendin dhe kohën e stërvitjeve të kryera nga Forcat Detare të Azerbajxhanit dhe ngarkesat e transportuara në platformat e naftës".

Dy të tjerë thuhet se morën foto dhe video të zonave ku kalonin tubacionet e naftës dhe gazit natyror, përveç vendndodhjes së pajisjeve të ndryshme ushtarake, dhe ia transferuan ato inteligjencës iraniane.

Personi i katërt që u arrestua dyshohet se ndau detaje rreth "proceseve politike dhe sociale në Azerbajxhan", si dhe informacion mbi vendndodhjen, llojin dhe nivelin e komandës së njësive ushtarake të Azerbajxhanit me inteligjencën iraniane në këmbim të parave. Personi i pestë dyshohet se përcaktoi vendndodhjen e shtetasve të Azerbajxhanit të fshehur në Iran.

Deklarata më tej tha se grupet e mbyllura të WhatsApp-it që vepronin “në bazë të udhëzimeve të shërbimit special iranian” u ekspozuan gjatë hetimit të kryer nga Shërbimi i Sigurimit Shtetëror.

Këto grupe WhatsApp po përpiqeshin të propagandonin "ide radikale dhe fetare-ekstremiste që synonin krijimin e një shteti fetar në Azerbajxhan".

arrestohen 5 iraniane ne azerbajxhan

Sondazh

Poll

MË SHUMË