Aktualitet

U dhunua, gazetari Doçi: Ishte demostrim i segmenteve të krimit dhe korrupsionit për të më mbyllur gojën

Doçi deklaron se sulmi i sotëm ishte një demostrim i segmenteve të krimit dhe korrupsionit në mënyrë që t'i mbyllnin gojën.

13 Nëntor 2022, 17:21 Nga A.B
U dhunua, gazetari Doçi: Ishte demostrim i segmenteve të krimit dhe
Adriatik Doci

TIRANË- Gazetari Adriatik Doçi ka falenderuar të gjithë miqtë dhe kolegët të cilët e dënuan sulmin fizik që iu bë sot. Përmes një mesazhi të ndarë në rrjetin e tij social, Doçi shton se sulmi i sotëm ishte një demostrim i segmenteve të krimit dhe korrupsionit në mënyrë që t'i mbyllnin gojën. Ai paralajmëron se nuk do marrë në konsideratë asnjë mesazh dhune e se do të vazhdojë punën duke mos heshtur.

MESAZHI: 

Mirënjohje për qindra miq dhe kolegë, të cilët u solidarizuan dhe dënuan sot sulmin fizik burracak prej çakenjsh ndaj meje. Ishte si një tufë qensh që të kafshojnë në befasi nga pas dhe ikin me vrap.Nuk e shoh vetëm si një incident apo dramë personale, por edhe si një demostrim të segmenteve të krimit dhe korrupsionit për të mbyllur gojën dhe kufizuar raportimin e gazetarëve, mediave në tërësi. Personalisht nuk kam konsideruar dhe nuk do konsideroj kurrë asnjë mesazh dhune, force dhe shantazhi për të heshtur. Koha do ta tregojë. Ju paça!

Gazetari Adriatik Doçi u dhunua ditën e sotme, shumë pranë banesës së tij. Ai ka dëshmuar se disa persona e qëlluan nga pas e më pas janë larguar në drejtim të paditur. Doçi pretendon se sulmi mund të jetë kryer për shkak të detyrës së tij. 

dhunohet adriatik doci adriatik doci

Sondazh

Poll

MË SHUMË