Aktualitet

Protestë në Bërxullë, ndërhyn FNSH, banorët: Kush na i prek pronat do bëhet kufomë këtu

Protesta ka agravuar dhe në ndihmë të forcave të rendit kanë mbërritur edhe grupet e FNSH-s duke bërë të mundur edhe lirim e rrugës.

13 Nëntor 2022, 10:18 Nga A.B
Protestë në Bërxullë, ndërhyn FNSH, banorët: Kush
Proteste

TIRANË- Banorët e Bërxullës në Rinas kanë tentuar ditën e sotme të bllokojnë aksin Rinas-Tiranë duke protestuar për rrugën që po ndërtohet në tokën e tyre. Protesta ka agravuar dhe në ndihmë të forcave të rendit kanë mbërritur edhe grupet e FNSH-s duke bërë të mundur edhe lirim e rrugës.

“Do vdesim në pronat tona. Le të na bëjnë lapidar. Ne banorët po i themi, ndaç shteti ndaç policët që përdoren mish për tokë. Po iu themi që do bëhem kriminelë këtu, kush na prek tokën do bëhet kufomë këtu! Këtu bëhet vepër kriminale për çdo gjë, çdo minutë.'-tha një nga banorët.

Banorët janë shprehur se shteti po u grabit tokat e tyre dhe nuk po i dëmshpërblen me çmimin që duhet dhe se ato po na vjedhin.

​Banorët e Bërxullës prej ditësh vijojnë protestat duke kërkuar të marrin kompensimin e pronave që preken nga projekti i rrugës Thumanë-Kashar-Fier. Ata thonë se kompania Gener2 që ka fituar projektin me koncesion për 35 vite, në kundërshtim me ligjin, ka nisur punën në terren pa pasur një leje ndërtimi. Banorët pretendojnë se nuk kanë marrë asnjë njoftim lidhur me projektin, e as për shpronësimet.  Janë rreth 200 banorë të Fushë-Prezës dhe Bërxullës, të cilët preken nga shkatërrimi i pronave dhe tokave bujqësore. Një pjesë e këtyre banesave ende janë në proces legalizimi, ndërsa për tokat bujqësore kanë çertifikatë pronësie.

proteste ne berxulle

Sondazh

Poll

MË SHUMË