Aktualitet

EMRAT+VD/ Kultivonin kanabis, në pranga babë e bir në Elbasan, arrestohet dhe kryeplaku i fshatit bashkë me administratorin

Nga ky operacion ka mbetur i prangosur kryeplaku i fshatit Bodin, Ramiz Beqari si dhe administratori i Njësisë Administrative Graçen Fadil Salla, për moskallzim krimi dhe shpërdorim i detyrës.

13 Nëntor 2022, 09:25 Nga I.A
EMRAT+VD/ Kultivonin kanabis, në pranga babë e bir në Elbasan,
Policia

ELBASAN- Babë e bir janë arrestuar në Elbasan për kultivin të lëndëve narkotike kanabis. Mësohet se në pranga kanë rënë Selim Beqari dhe djali i tij Zamir Beqari, pasi gjatë kontrollit nga ana e policisë u janë gjetur në tokën e tyre 17 bimë kanabisi të prera. Ndërsa në shtëpi policia kaarritur qeë të gjej 7 thasë të mbushur me 58 kilogramë kanabis. Nga ky operacion ka mbetur i prangosur kryeplaku i fshatit Bodin, Ramiz Beqari si dhe administratori i Njësisë Administrative Graçen Fadil Salla, për moskallzim krimi dhe shpërdorim i detyrës.

Njoftimi i Policisë:

Elbasan/Sekuestrohen rreth 58 kg lëndë narkotike kanabis. Finalizohet operacioni policor antikanabis i koduar “Bodin”, i zhvilluar me metoda hetimore proaktive. Kultivonin bimë narkotike në tokën e tyre, në fshatin Bobin, dhe më pas i përpunonin ato, arrestohen në flagrancë 2 shtetas (babë e bir). Në pranga gjithashtu, administratori i Njësisë Administrative Gracen, si dhe kryeplaku i fshatit Bodin, në Njësinë Administrative Gracen, Elbasan. Në kuadër të këtij operacioni, në hetim edhe 3 shtetas të tjerë, të dyshuar të implikuar në këtë veprimtari kriminale. Në vijim të operacioneve të njëpasnjëshme për goditjen e veprimtarive kriminale në fushën e prodhimit dhe shitjes së lëndëve narkotike, specialistët për Hetimin e Narkotikëve të Departamentit të Policisë Kriminale në DPPSH dhe ata të DVP Elbasan, pas një pune të mirëfilltë hetimore të realizuar me metoda proaktive, në bashkëpunim me Forcën e Posaçme Operacionale të Policisë së Shtetit, finalizuan operacionin policor antikanabis të koduar “Bodin”.

Në kuadër të këtij operacioni, u arrestuan në flagrancë, për veprat penale "Prodhimi dhe shitja e narkotikëve" dhe “Kultivimi i bimëve narkotike”, kryer në bashkëpunim, shtetasit: - S. B., 62 vjeç, banues në fshatin Bodin, dhe Z. B., 27 vjeç, banues në Sarandë (babë e bir). Nga kontrolli i ushtruar në tokën e këtyre shtetasve, në fshatin Bodin, Gracen, Elbasan, janë gjetur dhe janë sekuestruar në cilësinë e provës materiale, 17 bimë të prera, të dyshuara narkotike kanabis.

Gjithashtu, gjatë kontrollit janë gjetur dhe janë sekuestruar në cilësinë e provës materiale, 7 thasë të mbushur me lëndë të dyshuar narkotike kanabis, me peshë totale rreth 58 kilogramë. Njëkohësisht, u arrestuan në flagrancë, për veprat penale “Shpërdorimi i detyrës” dhe “Moskallëzimi i krimit”, shtetasit: - F. S., 58 vjeç , banues në Elbasan, administratori i Njësisë Administrative Gracen, Elbasan; - R. B., 62 vjeç, kryeplaku i fshatit Bodin, Gracen, Elbasan.

Po në kuadër të këtij operacioni, u proceduan penalisht 2 shtetas, për veprat penale "Prodhimi dhe shitja e narkotikëve" dhe "Kultivimi i bimëve narkotike”, kryer në bashkëpunim, si dhe 1 shtetas tjetër, për veprën penale “Moskallëzimi i krimit”. Në bashkëpunim me Prokurorinë pranë Gjykatës së Rrethit Gjyqësor Elbasan, vijon puna për zbardhjen dhe dokumentimin e plotë të këtij rasti. Materialet procedurale i kaluan Prokurorisë pranë Gjykatës së Rrethit Gjyqësor Elbasan, për veprime të mëtejshme.

zamir beqari selim beqari ramiz beqari fadil salla

Sondazh

Poll

MË SHUMË