Politike

Protesta e 12 nëntorit, Gjiknuri 'mesazh' për Berishën: Mini ngjarje, në PD ka shumë kryedemokratë

Gjiknuri u shpreh se nuk ka një mesazh për kryedemokratin, Sali Berisha pasi aty ka shumë kryedemokratë.

11 Nëntor 2022, 13:43 Nga A.B
Protesta e 12 nëntorit, Gjiknuri 'mesazh' për Berishën:
Damian Gjiknuri

ELBASAN- Deputeti i Partisë Socialiste, Damian Gjiknuri ka komentuar protestën e ditës së nesërme të organizuar nga Partia Demokratike. Në Elbasan, teksa mori pjesë në ceremoninë e 78-vjetorit të çlirimit të qytetit, ai u shpreh se nuk ka një mesazh për kryedemokratin, Sali Berisha pasi aty ka shumë kryedemokratë.

“Këto janë mini ngjarje në rrugën e madhe të një kombi, shyqyr që kemi ardhur kësaj dite që Shqipëria edhe të protestojë, mbi të gjitha të ketë liri fjale dhe një qeverisje më të mirë në dobi të njerëzve. Nuk është hera e parë që protestohet, shpresoj që të mos rikthehet riminishencat e së kaluares së personave që kanë marrë përsipër të protestojnë. Megjithatë, Shqipëria ka parë edhe me keq sesa protestat, kjo ngjarje do tregojë që stabiliteti i këtij vendi është i sigurt. Nuk kam ndonjë mesazh për kryedemokratin sepse ka shumë kryedemokratë, por që shqiptarët janë vertet në një moment të vështirë për shkak të inflacionit dhe luftrave, por Shqipëria është një vend i sigurt me qeverisjen e së majtës”, tha ai.

Partia Demokratike do të mbajë nesër një protestë kombëtare. Protesta pritet të nisë në orën 16:00 dhe nuk dihet se sa do të zgjasë.

damian gjiknuri protesta 12 nentor 2022

Sondazh

Poll

MË SHUMË