Aktualitet

Kishin hapur Instagram fals me foto vajzash dhe mashtronin meshkujt se ofronin shërbime seksuale, Policia jep detaje

Të dy në bashkëpunim me njëri-tjetrin kishin hapur profile falso me foto vajzash në rrjetin social Instagram dhe nëpërmjet tyre kanë mashtruar persona të ndryshëm, me pretendimin se do t’u ofronin shërbime me natyrë seksuale, kundrejt pagesës.

10 Nëntor 2022, 14:51 Nga e.k
Kishin hapur Instagram fals me foto vajzash dhe mashtronin meshkujt se ofronin
Policia e Tiranës

TIRANË- Policia e Tiranës ka dalë me njoftim zyrtar në lidhje me ngjarjen e ndodhur ditën e djeshme ku dy 13-vjeçarë kishin hapur adresa false në Instagram me emër vajzash nëpërmjet të cilave mashtronin meshkujt dhe u merrnin atyre nga 150 euro për takim. Policia bën me dije se dy të miturit janë vënë në hetim për vepren penale mashtrimi. 

Dy të miturit postonin fotot të ndryshme të vajzave me anë të të cilave 'joshnin' meshkuj të ndryshëm , të cilëve më pas u kërkonin nga 150 euro për të lënë takim. Ky ishte si kusht për klientët në mënyrë që ata të ngjiteshin në apartamentin ku i priste 'Ana'. Pasi merrnin paratë ata largoheshin me vrap bashkë me shumën.

NJOFTIMI I POLICISË:

Nga specialistët për Hetimin e Krimeve të Komisariatit të Policisë Nr. 4 u referuan materialet në Prokurorinë pranë Gjykatës së Shkallës së Parë Tiranë, për veprën penale “Mashtrimi”, për shtetasit e mitur D. B. dhe D. P., banues në Tiranë, pasi kanë krijuar adresa false, me foto vajzash, në rrjetin social Instagram, dhe nëpërmjet tyre kanë mashtruar shtetas të ndryshëm, me pretendimin se do t’u ofronin shërbime me natyrë seksuale, kundrejt pagesës.

tirane policia e tiranes

Sondazh

Poll

MË SHUMË