Aktualitet

“Lutem që të ndodhë një mrekulli”, përlotet nëna e 22-vjeçares nga Kenia: Mjekët nuk na japin shpresa, duhet dërguar jashtë

Ndër të tjera Ruth tregon se mjekët e Spitalit të Traumës nuk i kanë dhënë shpresa për të bijën teksa shton mes lotësh se lutet çdo ditë që ajo të shpëtojë. Joy ka marrë lëndime në tru dhe për këtë i nevojitet një ndërhyrje kirurgjikale që mund të bëhet vetëm jashtë vendit pasi Truama nuk e mundëson dot.

10 Nëntor 2022, 13:25 Nga e.k
“Lutem që të ndodhë një mrekulli”, përlotet
Joy në spital dhe e ëma Ruth

TIRANË- Nëna e 22-vjeçares Joy me origjinë nga Kenia, e cila u gjet pa ndjenja në Tiranë ka deklaruae se vajza e saj ndodhet në një gjendje të rëndë shëndetësore dhe shprehet se vetëm një mrekulli mund ta shërojë të bijën. Në një intervistë për 'Euronews Albania' Ruth tregoi se për incidentitn e ndodhur me vajzën e saj është njoftuar me 15 gusht, ndërkohë incidenti ka ndodhur më datë 12 gusht

Ndër të tjera Ruth tregon se mjekët e Spitalit të Traumës nuk i kanë dhënë shpresa për të bijën teksa shton mes lotësh se lutet çdo ditë që ajo të shpëtojë. Joy ka marrë lëndime në tru dhe për këtë i nevojitet një ndërhyrje kirurgjikale që mund të bëhet vetëm jashtë vendit pasi Truama nuk e mundëson dot.

“Erdha në Tiranë më 12 shtator. Jam njoftuar për incidentin e vajzës time më datën 15 gusht. Incidenti ka ndodhur më datën 13 gusht. Jam njoftuar nga kompania që punësoi vajzën këtu. Kompania më ka organizuar edhe ardhjen time. Është në një gjendje kritike shëndetësore. Unë jam lutur për të që ndodh një mrekulli, ndërkohë që mjekët nuk më jepnin shpresa për të. Ajo ndodhet në këtë gjendje për 6 javë”, u shpreh ajo.

Por çfarë i ka ndodhur Joy-t? Hashtag dhe Exit.al shkruajnë se vajza e re ishte rekrutuar për të punuar në kazinonë pranë stadiumit ‘Air Albania’, e cila operohet nga një kompani austriake që përfaqësohet ne Tiranë nga shtetasi Bledar Sinanaj, i njohur si Dari. Joy u zhduk më 13 gusht 2022 nga ora 03:25 e mëngjesit deri rreth orës 07:00 të mëngjesit. Ajo u gjet në gjendje të rëndë poshtë pallatit ku banonte në kat të dytë, por ngjarja është e mbuluar me mister. A ra aksidentalisht Joy apo ka ndodhur diçka tjetër? Ruth, nëna e Joyt thotë se nuk ka marrë asnjë të dhënë nga policia për ngjarjen. Ky lajm nuk është bërë publik në media deri më sot, kur të gjithë në rrjetet sociale po njihet me ‘go fund me’ të hapur nga mikja e 22-vjeçares, Stephanie. Pse heshti policia?

joy ruth

Sondazh

Poll

MË SHUMË