Bota

"E kemi bërë, po e bëjmë dhe do ta bëjmë", biznesmeni rus Prigozhin pranoi ndërhyrjen në zgjedhjet amerikane

Prigozhin, i cili shpesh përmendet si "kuzhinieri i Putinit" sepse kompania e tij e hotelierisë operon me kontratat e Kremlinit, është akuzuar zyrtarisht për sponsorizimin e "fermave" me bazë në Rusi që synojnë të ndikojnë në politikën e SHBA.

7 Nëntor 2022, 15:19 Nga d.a.
"E kemi bërë, po e bëjmë dhe do ta
Putin dhe Yevgeny Prigozhin

RUSI- Biznesmeni rus Yevgeny Prigozhin tha të hënën se ai kishte ndërhyrë në zgjedhjet amerikane dhe do të vazhdojë ta bëjë këtë në të ardhmen, pranimi i parë i tillë nga një figurë që është implikuar zyrtarisht nga Uashingtoni në përpjekjet për të ndikuar në politikën amerikane.

"Ne kemi ndërhyrë në zgjedhjet në SHBA, po ndërhyjmë dhe do të vazhdojmë të ndërhyjmë. Me kujdes, saktësi kirurgjikale dhe në mënyrë siç dimë të bëjmë ne”.- tha Prigozhin.

Sipas Reuters, deklarata u postua në prag të zgjedhjeve afatmesme në SHBA në përgjigje të një kërkese për koment nga një faqe ruse e lajmeve.

"Gjatë operacioneve tona të sakta, ne do të heqim të dy veshkat dhe mëlçinë menjëherë," tha Prigozhin. Ai nuk dha detaje mbi komentin e fshehtë.

Prigozhin, i cili shpesh përmendet si "kuzhinieri i Putinit" sepse kompania e tij e hotelierisë operon me kontratat e Kremlinit, është akuzuar zyrtarisht për sponsorizimin e "fermave" me bazë në Rusi që synojnë të ndikojnë në politikën e SHBA.

Në korrik, Departamenti i Shtetit i SHBA ofroi një shpërblim deri në 10 milionë dollarë për informacion mbi Prigozhin në lidhje me "angazhimin në ndërhyrjen në zgjedhjet e SHBA". Ai është goditur nga sanksionet e SHBA-së, Britanisë dhe Bashkimit Evropian.

Prigozhin ka mbajtur një profil të ulët publik deri kohët e fundit, por është bërë më i hapur gjatë rrjedhës së luftës në Ukrainë, përfshirë këtu duke kritikuar performancën e gjeneralëve rusë. Në shtator ai pranoi se kishte themeluar grupin mercenar të Grupit Wagner, të lidhur me Kremlinin, i cili është aktiv në Siri, Afrikë dhe Ukrainë. Të premten e kaluar hapi një qendër të teknologjisë së mbrojtjes në Shën Petersburg, një hap tjetër nga Prigozhin për të theksuar kredencialet e tij ushtarake.

 

yevgeny prigozhin vladimir putin zgjedhjet ne shba 2020

Sondazh

Poll

MË SHUMË